وه‌زاره‌تی ته‌ندروستیی و ژینگه‌ی عێراق له راگه‌یه‌نراوێكدا ئاماژه‌ی به‌وه‌داوه كه ئه‌مڕۆ یه‌كشه‌ممه، دووه‌م كاروانی ڤاكسینی دژه‌كۆرۆنا له جۆری ڤایزه‌ر، گه‌یشتووه‌ته عێراق، بێ ئه‌وه‌ی ئاماژه به ژماره‌كه‌ی بكات و ھاتووه: له‌مه‌ودوا ھه‌فتانه ڤاكسینی دژه‌كۆرۆنا له جۆری ڤایزه‌ر ده‌گاته عێراق و به‌سه‌ر فه‌رمانگه ته‌ندروستییه‌كان له به‌غدای پایته‌خت، پارێزگاكان و فه‌رمانگه ته‌ندروستییه‌كانی ھه‌رێمی كوردستان دابه‌ش ده‌كرێن".
له راگه‌نراوه‌كه باس له‌وه‌شكراوه كه له‌ئێستادا سێ جۆری ڤاكسینی دژه‌كۆرۆنا له فه‌رمانگه ته‌ندروستییه‌كانی به‌غدای پایته‌خت، پارێزگاكان و فه‌رمانگه ته‌ندروستییه‌كانی ھه‌رێمی كوردستان به‌رده‌ستن كه سه‌رجه‌میان سه‌لامه‌تن و كاریگه‌رییان له‌سه‌ر ڤایرۆسه‌كه ھه‌یه.
له راگه‌یه‌نراوه‌كه‌دا ھانی ھاووڵاتییان دراوه كه بۆ وه‌رگرتنی ڤاكسینی دژه‌كۆرۆنا له رێگای ماڵپه‌ڕی ئه‌لیكترۆنی وه‌زاره‌تی ته‌ندورستییه‌وه خۆیان تۆمار بكه‌ن و ھاتووه:وه‌رگرتنی ڤاكسینی دژه‌كۆرۆنا و پابه‌ندبوون به رێنمایه‌كانی خۆپارێزییه‌وه تاكه رێگان بۆ رێگرتن له بڵاوبوونه‌وه‌ی ڤایرۆسه‌كه.
کۆمێنت (0)
تا ئێستا هیچ کۆمێنتێک نەکراوە.