ده‌زگای هه‌واڵگری رووسیا، ده‌ستبه‌سه‌ركردنی كۆنسوڵی ئۆكراینا له شاری سان پێترێسبۆرگ-ی راگه‌یاند.
ده‌زگاكه له راگه‌یه‌ندراوێكدا ئه‌وه‌ی خستوه‌ته‌ڕوو كه كۆنسوڵ، ئالێكسانده‌ر سۆسۆنیوك له‌ڕێگه‌ی هاووڵاتییه‌كی رووسه‌وه كۆمه‌ڵێك زانیاری نهێنی تایبه‌ت به ئاسایشی رووسیا-ی ده‌ست خستووه و له كاتی وه‌رگرتنی زانیارییه‌كاندا ده‌ستگیر كراوه.
ده‌زگای هه‌واڵگری، له راگه‌یه‌ندراوه‌كه‌یدا نووسیویه‌تی: "ئه‌م جۆره كارانه له‌گه‌ڵ پێگه‌ی كارمه‌نده دیپلۆماسییه‌كاندا ناگونجێن و هه‌ڵوێستێكی دوژمنكارانه‌ی ئاشكران به‌رامبه‌ر رووسیا".
کۆمێنت (0)
تا ئێستا هیچ کۆمێنتێک نەکراوە.