هاوپەیمانان: داعش هێشتا هەڕەشەیە بۆ سەر عێراق و سووریا

واین مارۆتۆ گوتەبێژ بە ناوی هێزەكانی هاوپەیمانان ڕایگه‌یاند: ڕێكخراوی تیرۆریستیی داعش هێشتا هەڕەشەیە بۆ سەر عێراق و سووریا و تەواوی جیهان.

مارۆتۆ له‌ لێدوانێكدا ڕایگه‌یاند: سه‌ره‌ڕای ئه‌وه‌ی كە گرووپە چه‌كدارییه‌كانی داعش تێكشكاون و ئه‌و هێزه‌ی جارانیان نییه‌ له‌گه‌ڵ ئه‌وه‌ش هێشتا ئه‌وان هه‌ڕه‌شه‌ن له‌سه‌ر ئاسایشی ناوچه‌كه‌.

ئاماژەی بەوەشكرد كە چه‌كدارانی داعش ئه‌و پانتاییه‌ به‌رفراوانه‌یان له‌ عێراق و سووریا لەبەردەستدا نەماوە، به‌ڵام لە ناوچەكەشدا كۆتاییان نەهاتووه‌.

مارۆتۆ هەروەها ئەوەی دووپات كردووەتەوە كە مەترسییەكانی ئایدیۆلۆژیای داعش لەسەر عێراق و سووریا و تەواوی جیهانیش ماوەتەوە بۆیه‌ نابێت له‌ئاست ئه‌و مه‌ترسییه‌ گه‌وره‌یه‌ چاومان دابخه‌ین.