سه‌رچاوه‌یه‌كی ئه‌منی ئه‌مڕۆ پێنج شه‌ممه 15-4-2021 به‌میدیای عێراقی راگه‌یاندووه كه باره‌گای لیوای 30ی حه‌شدی شه‌عبی له پارێزگای نه‌ینه‌وا بۆردومان كراوه.
سه‌رچاوه‌كه ده‌ڵێت: به‌گوێره‌ی زانیارییه سه‌ره‌تاییه‌كان له‌و بۆردومانه رۆكێتییه‌ی كه كراوه‌ته سه‌ر باره‌گای لیوای 30 حه‌شدی شه‌عبی له ناوچه‌ی باسخره -ی سه‌ر به شاره‌دێی به‌رتڵه، دوو چه‌كداری حه‌شدی شه‌عبی برینداربوون.
هه‌روه‌ها سه‌رچاوه ئاماژه‌ی بۆ ئه‌مه‌ش كردووه كه لێكۆڵینه‌وه بۆ زانینی ئه‌و لایه‌نه‌ی بۆردومانه‌كه‌ی ئه‌نجام داوه، ده‌ستی پێكردووه.
کۆمێنت (0)
تا ئێستا هیچ کۆمێنتێک نەکراوە.