یەکێتیی زانایانی ئاینی ئیسلامی كوردستان لە ڕاگەیەندراوێكدا كە بەبۆنەی مانگی ڕەمەزانی پیرۆزه‌وه بڵاوی كرده‌وه‌ته‌وه داوای پابەندبوون بە ڕێنماییەكانی خۆپارێزی و چاودێریی نرخ دەكات.
لە ڕاگەیەندراوێكدا كە بە بۆنەی مانگی ڕەمەزانەوە دەریكردووە، یەکێتیی زانایانی ئایینیی ئیسلامیی کوردستان ڕایده‌گه‌ێنێت: هاتنی مانگی پیرۆزی ڕەمەزان لەكاتێكدایە، هێشتا ڤایرۆسی کۆرۆنا لە هەڵکشاندایە و زۆرێک لە خۆشەویستانمان بەو هۆیەوە دەبنە قوربانی
راشیده‌گه‌یه‌نن: لە ڕوانگەی هەستی بەرپرسیارێتی و ئیمانی و ئینسانیەوە داوا لە سەرجەم هاوڵاتییان بە گشتی و موسڵمانان بە تایبەتی دەکەین، کە پابەندی ڕێنماییەکانی خۆپارێزی بن و ڕەچاوی سەلامەتی گیانی یەکتر بکەن، ئەمە خواست و بنەمایەکی گرنگی ئایینی ئیسلامە کە زیان بە یەکتر نەگەیەنین.
یه‌كێتی زانایانی ئاینی ئیسلامی كوردستان ئاماژه بۆ ئه‌وه‌ش ده‌كات: دەخوازین حکومەت چاودێریی گرانبوونی کاڵاکان بکات و برا بازرگان و دوکاندارەکانیش ڕەچاوی دۆخ و گوزەرانی خەڵک بکەن، نەک بە گرانکردنی کاڵا و کەلوپەل و خواردەمەنییەکان بازاڕ و مانگی ڕەمەزان ئیستیغلال بکرێت.
کۆمێنت (0)
تا ئێستا هیچ کۆمێنتێک نەکراوە.