سایدێ راستێ ژرێکا نیڤده‌وله‌تى یا ئیبراهیم خه‌لیل بۆ زاخۆ ب درێژیا (8,5)کم هاته‌ ڤه‌کرن

 بو دووڤ چونا پرۆژێن خزمه‌تگوزارى ئه‌وێن ل سنورێ زاخو دهێنه‌ ئه‌نجامدان ئه‌ڤرو به‌رى نیڤرو  12-4-2021 ل ژێر چاڤدێریا به‌رێز د.على ته‌ته‌ر پارێزگارێ دهۆكێ و ب ئاماده‌بونا به‌رێزان  دلشێر عبدالستار ده‌ڤه‌ردارێ زاخو ب وه‌كاله‌ت  وحمید على رێڤه‌به‌رێ كومه‌لگه‌ها ئیبراهیم خه‌لیل  و صالح حیدر به‌رپرسێ لقێ 8 یێ پارتى  ب وه‌كاله‌ت وچه‌ند به‌رپرسێن دام وده‌زگه‌هێن میرى ل زاخو رێ ورسمێن ڤه‌كرنا سایدێ راستێ ژرێكا نیڤ ده‌وله‌تى یا ئیبراهیم  خه‌لیل بو زاخو هاتنه‌ گێران.
لبه‌راهیێ ده‌ڤه‌ردارێ زاخو ب وه‌كاله‌ت  بخێرهاتنا به‌رهه‌ڤبویان كر و گرنگیا وان پرۆژا دیاركر یێن ل سنورێ زاخو  دهێنه‌ ئه‌نجامدان وبناڤێ خه‌لكێ زاخو سوپاسیا سه‌روكێ حكومه‌تا هه‌رێما كوردستانێ وپارێزگارێ دهۆكێ وهه‌موو لایه‌نان كر كو گرنگیێ دده‌نه‌ ده‌ڤه‌را زاخو .
 پاش فلمه‌كێ ل سه‌ر كار وچالاكیێن كومپانیا كاڤین گروپ هاته‌ نیشاندان ولدووڤدا ئه‌ندازیار ئاراس جه‌مال رونكرن دانه‌ سه‌ر پرۆژێ سایدێ راستێ ژرێكا نیڤ ده‌وله‌تى یا ئیبراهیم  خه‌لیل بو زاخو ب درێژیا  (8,5)كم كو دماوێ (60) رۆژاندا  ژلایێ كاڤین گروپ هاتیه‌ ئه‌نجامدان.
پارێزگارێ دهۆكێ دپه‌یڤه‌كێدا گوت: پشتى به‌رێز مسرور بارزانى سه‌روكێ حكومه‌تا كوردستانێ سه‌ره‌دانا زاخو كرى بریاردابو چه‌ندین پرۆژێن مه‌زن وخزمه‌تگوزارى ل ده‌ڤه‌رێ بهێنه‌ ئه‌نجامدان پرۆژێ سایدێ راستێ ژرێكا نیڤ ده‌وله‌تى یا ئیبراهیم  خه‌لیل بو زاخو ئێكه‌ ژ12پرۆژێن مه‌زن ب دوماهى هاتیه‌ وكه‌ته‌ دخزمه‌تا خه‌لكێ زاخو وپارێزگه‌ها دهۆكێ وهه‌رێما كوردستانێ وعیراقێ هه‌روه‌سا گوت: ژبلى وان پرۆژێن مه‌زن 32پرۆژێن دى یێن خزمه‌تگوزارى ل سنورێ زاخو هه‌بوینه‌ 28 ژوان ب دوماهى هاتینه‌ وكه‌تینه‌ دخزمه‌تا هاولاتیان دا وبناڤێ سه‌روكێ حكومه‌تا كوردستانێ وپارێزگه‌ها دهۆكێ پیروزباهیا خه‌لكێ زاخو  وكوردستانێ وعیراقێ كر بو ڤه‌كرنا ڤێ رێكا  گرنگ هه‌روه‌سا سوپاسیا فه‌رمانگه‌هێن میرى وكومپانیا كاڤین گروپ كر كو پرۆژه‌ بله‌ز وبكوالیتییه‌كا بلند بجهئیناینه‌.
ب هه‌لكه‌فتا هاتنا هه‌یڤا  ره‌مه‌زانێ پارێزگارێ دهۆكێ پیروزباهیا بوسلمانێن هه‌رێمێ وعیراقێ وهه‌موو جیهانێ كر وخواست كو هه‌یڤا ره‌مه‌زانێ ببیته‌ هه‌یڤا  خێر وبه‌ره‌كه‌ت وئه‌رزانیێ  وهاریكاریكرنا ته‌خا هه‌ژار وكێم ده‌رامه‌ت  وته‌كه‌زى ل سه‌ر بجهئینانا رێنمایێن خو پارێزیێ ژڤایروسێ كورونایێ كر.
هه‌ژى گوتنێ یه‌  رێكا ناڤبرى لسه‌ر بودجا حكومه‌تا هه‌رێما كوردستانێ  بكوژمێ هه‌شت ملیار دینارا هاتیه‌ ئه‌نجامدان.