مه‌کته‌بی سیاسی یه‌کێتی پرسه‌نامه‌یه‌ک ئاڕاسته‌ی پارتی دیموکراتی کوردستان ده‌کات

مه‌كته‌بی سیاسی یه‌كێتیی نیشتمانیی كوردستان بۆ كۆچی دوایی ره‌مزی شه‌عبان، ئه‌ندامی ئه‌نجومه‌نی سه‌ركردایه‌تی و ئه‌ندامی یه‌ده‌گی مه‌كته‌بی سیاسی پارتی دیموكراتی كوردستان 
 پرسه‌نامه‌یه‌ك ئاڕاسته‌ی مه‌كته‌بی سیاسی پارتی دیموكراتی كوردستان ده‌كات.

ده‌قی پرسه‌نامه‌كه‌ی یه‌كێتی نیشتیمانی كوردستان:
به‌رێز / مه‌كته‌بی سیاسی پارتی دیموكراتی كوردستان
بابه‌ت/ پرسه‌نامه‌
به‌داخ و كه‌سه‌رێكی زۆره‌وه‌ ھه‌واڵی كۆچی دوایی به‌رێز  ڕه‌مزی شه‌عبان، ئه‌ندامی ئه‌نجومه‌نی سه‌ركردایه‌تی و ئه‌ندامی یه‌ده‌گی مه‌كته‌بی سیاسی پارتی دیموكراتی كوردستان ـ مان پێگه‌یشت.
پرسه‌ و سه‌ره‌خۆشی ئاراسته‌ی ئێوه‌ی به‌رێز و كه‌سوكار و بنه‌ماڵه‌ی كۆچكردوو ده‌كه‌ین، خۆمان به‌ھاوبه‌شی خه‌متان ده‌زانین.
له‌ یه‌زدانی مه‌زن داواكارین دڵنه‌واییتان بداته‌وه‌و دواناخۆشیتان بێت.

مه‌كته‌بی سیاسی
یه‌كێتیی نیشتمانیی كوردستان