دچوارچووڤێ سەرەدانێن بەردەوامێن “د.عەلی تەتەر” پارێزگارێ دهۆکێ بو دەڤەرداریی و ناوچەداریێن پارێزگەهێ ئەڤرۆ رۆژا ئێک شەمبی رێکەفتی ٢٠٢١/٤/٤ سەرەدانا دەڤەرداریا زاخۆ کر و دسەرەدانێدا بو کوچکا دەڤەرداریێ دگەل دەڤەردار و رێڤەبەریێن پەیوەندیدار ل دۆر بجهئینانا رێنمایێن خۆپارێزیێ ژ ڤایرۆسێ کۆرونایێ و بهایێن بازاری و رەوشا ژین و ژیارا هاولاتیان رونیشت، پاشان پارێزگارێ دهۆکێ سەرەدانا باژێرڤانیا زاخۆ کر و دووبارە پیرۆزباهیێن خۆ گەهاندنە باژێرڤانیێ پشتی هاتیە پلەبلندکرن بو باژێرڤانیا پلە نایاب و هیڤیا سەرکەفتنێ بو سەرۆکێ باژێرڤانیێ و فەرمانبەران خۆاست و دوپاتی ل سەر ئەنجامدانا خزمەتگۆزاریان بو دەڤەرا زاخۆ و ب تایبەتی ئەو تاخ و جهێن کێم دەرامەت لێ دژین و کێمتر خزمەتگۆزاری گەهشتینێ کر.
پاشان پارێزگارێ دهۆکێ سەرەدانا ناڤەندا بازارێ زاخۆ و پرا دەلال یا شوینواری کر و ژ نێزیک گۆهداریا داخوازی و گلە و گازندێن هاولاتیان بوو و راگەهاند: یا مە پێ چێ بیت و ل دویڤ دەستهەلاتێن مە ژبۆ داخوازیێن هەوە دێ جێبەجێکەین، و دسەرەدانا خۆدا پارێزگارێ دهۆکێ: بەردەوام داخواز ژ هاولاتیان کر کو خو ب پارێزن و رێنمایێن خۆپارێزیێ ژ ڤایرۆسێ کۆرونایێ بجهـ بینن.
کۆمێنت (0)
تا ئێستا هیچ کۆمێنتێک نەکراوە.