پۆلیسی که‌رکووک: باوکێک جه‌سته‌ی کوڕه‌که‌ی ده‌سوتێنێت

گوتەبێژی پۆلیسی که‌رکووک رایگەیاند: لە گەڕەكێكی ئه‌م شاره‌ باوکێک ئازاری کوڕەکەی ده‌دات و دواتریش جەستەی ده‌ستووتێنێت.

عامر نوری وتەبێژی پۆلیسی که‌رکووک به‌ میدیا عێراقیه‌كانی رایگه‌یاندووه‌، ئێوارەی دوێنێ هه‌ینی منداڵێکی تەمەن چوار ساڵ، دانیشتوی گه‌ڕه‌كی غه‌رناته‌ی كه‌ركووك، بەهۆی سوتاوییەوە گەیەنراوەتە نەخۆشخانە، بەهۆی بەدیکردنی شوێنی ئەشکەنجەدان بە جەستیەوە، پۆلیس لێکۆڵینەوەی وردی لەبارەی سوتانەکەیەوە دەستپێکرد.

گوته‌بێژی پۆلیسی که‌رکووک ده‌شڵێت: دواتر دەرکەوتووە کە لایەن باوکییەوە ئەشکەنجە دراوە و دواتر سووتاندویەتی کە بەشێکی زۆری بە دەست و قاچییەوە دیارە، گوتیشی: ره‌زامه‌ندی دادوه‌ر بۆ ده‌ستبه‌سه‌ركردنی باوکی منداڵه‌که ده‌رچووه‌.