باره‌گای بارزانی سه‌ره‌خۆشی له‌ رێکان سه‌کران، کارمه‌ندی کوردستان تیڤی ده‌کات

باره‌گای بارزانی په‌یامێكی سه‌ره‌خۆشی ئاراسته‌ی رێكان سه‌كران، كارمه‌ندی كوردستان تیڤی كرد، بۆ كۆچی دوایی باوكی و برایه‌كیه‌وه‌، ئه‌مه‌ ده‌قه‌كه‌یه‌تی:

به‌ناوی خودای به‌خشنده‌ و میهره‌بان

به‌ڕێز، كاك رێكان سه‌كران
به‌داخێكی زۆره‌وه‌ هه‌واڵی كۆچی دوایی باوكی به‌ڕێزتان كاك(سه‌كران) و برای به‌ڕێزتان كاك(كه‌نعان)مان بیست.

به‌م بۆنه‌ خه‌مناكه‌وه‌، پرسه‌ و سه‌ره‌خۆشی ئاڕاسته‌ی به‌ڕێزتان و خانه‌واده‌ و كه‌سوكار و دۆست و ئاشنایانتان ده‌كه‌ین، خۆمان به‌هاوبه‌شی خه‌متان ده‌زانین.

له‌ خودای گه‌وره‌ داواكارین گیانی خوالێخۆشبووان باوكی به‌ڕێزتان و برای به‌ڕێزتان به‌ر دلۆڤانی خۆی بخات و به‌ به‌هه‌شتی به‌رینی شاد بكات، له‌م كۆسته‌ گه‌وره‌یه‌دا به‌ دڵنه‌وایی و ئارامی به‌خشین به‌ڕێزتان و خانه‌واده‌ و كه‌سوكار و خزمانتان به‌سه‌ر بكاته‌وه‌.

انا لله وانا الیە راجعون

بارەگای بارزانی

جێگه‌ی باسه‌ رۆژی چوارشه‌ممه‌ باوك و برای هاوكارمان رێكان سه‌كران دوای چه‌ند رۆژێك له‌ تووشبوونیان به‌ ڤایرۆسی كۆرۆنا كۆچی دوایی كرد. هه‌روه‌ها له‌ ماوه‌كانی رابردووشدا دایكی هه‌ر به‌ هۆی تووشبوونی به‌ ڤایرۆسی كۆرۆنا گیانی سپارد .