‌ هه‌رێمی کوردستان ... لەم شوێنانەدا قەدەغەی هاتووچۆ راگەیەندرا

به‌پێی راگه‌یاندراوی ژماره‌ 12 ى وه‌زاره‌تی ناوخۆی حكوومه‌تی هه‌رێمی كوردستان ، كه‌رۆژی 30 ى 3 ى 2021 ده‌ركراوه‌ ، له‌ئه‌مرۆ پێنجشه‌ممه‌وه‌ 1 ى 4 ى 2021 ،  رێگە بە هاتوچۆی نێوان پارێزگاکانی هەرێمی کوردستان و  پارێزگاكانی عێراق نادرێت.
 وه‌زاره‌تی ناوخۆی هه‌رێمی كوردستان رایده‌گه‌ێنێت:  لە رۆژانی پێنجشەممە، هەینی و شەممەدا هاتوچۆ لەنێوان پارێزگاکانی هەرێمی كوردستان و عێراقدا رادەگیرێت، جگە لە ئاژانس و رێکخراوەکانی (UN) و رێکخراوە نێودەوڵەتیەکان و هاوپەیمانان و دیپلۆماتکاران و شاندە فەرمییەکان و هاتوچۆی بازرگانی.
هه‌روه‌ها له‌راگه‌یاندراوه‌كه‌دا هاتووه‌:  ئەو هاوڵاتیانەی نیشتەجێی هەرێمی کوردستانن کە پێویستە لە بازگەکان لە کاتی هاتنیان تێستی کۆرۆنا بکەن.
 مه‌قه‌ده‌م سەلام خۆشناو بەرپرسی ئاسایشی بازگەکانی سنووری پارێزگای ھەولێر بە كوردستان تیڤی رایگەیاند:  له‌كاتژمێر 12 ى شه‌وی رابردووه‌ ،  راگرتنی ھاتووچۆ لەگەڵ پارێزگاکانی عێراق چووه‌ته‌  بواری جێبەجێ کردن رێگەنادرێت داخل بە شاری ھەولێر بن.
راشیده‌گه‌یه‌نێت: هاووڵاتیانی ئه‌و ناوچانه‌ ھاوکارمان بن خۆیان لە رێگانەدەن داوا لە ھاووڵاتیانیش دەکات لەکاتی ھاتووچۆکردنیان بە بازگەکان ناوخۆی ھەرێم پابەند بن بە بە ستنی ماسک و خۆپارێزی  ئەگەر ھەر ھاووڵاتیەک پابەند نەبێت ناچار رێگەیان پێنادرێت بۆ سەلامەتی  گشتی.