دوێنێ به‌شیر حه‌داد ،جێگری دووه‌می سه‌رۆكی ئه‌نجوومه‌نی نوێنه‌رانی عێراق، سه‌رپه‌رشتی كۆبوونه‌وه‌یه‌كی ھاوبه‌شی نێوان لیژنه‌ی دارایی له ئه‌نجوومه‌نی نوێنه‌ران و ژماره‌یه‌ك له وه‌زیرانی حكوومه‌تی فیدراڵ كرد كه تایبه‌ت به تاوتوێكردنی مادده و بڕگه‌كانی نێو پڕۆژه‌یاسای بوودجه‌ی گشتیی 2021، سازكرابوو.
له میانی كۆبوونه‌وه‌كه‌دا، به‌ووردی مادده و بڕگه‌كانی نێو پڕۆژه‌یاسای بوودجه‌ی 2021 تاوتوێ كراوه.
وا چاوه‌ڕوان ده‌كرێت ئه‌مڕۆ یه‌كشه‌ممه له دانیشتنی ئاسایی ئه‌نجوومه‌نی نوێنه‌راندا، مادده و بڕگه‌كانی پڕۆژه یاسای بوودجه‌ی 2021، بخرێته ده‌نگدانه‌وه.
رۆژی ھه‌ینی، ده‌سته‌ی سه‌رۆكایه‌تی په‌رله‌مانی عێراق دانیشتنی تایبه‌ت به ده‌نگدان له‌سه‌ر پڕۆژه‌یاسای بوودجه‌ی 2021ی بۆ رۆژی یه‌كشه‌ممه دواخست، ئه‌وه‌ش به‌مه‌به‌ستی ده‌رفه‌تدان به‌لیژنه‌ی دارایی و لایه‌نه سیاسییه‌كان بۆ دۆزینه‌وه‌ی چاره‌سه‌رێك بۆ ئه‌و برگه و ماددانه‌ی ناكۆكیان له‌سه‌ره.
بڕیاربوو رۆژی شه‌ممه كۆبوونه‌وه‌ی په‌رله‌مان له‌سه‌ر ئه‌م پرسه ئه‌نجام بدرێت،به‌ڵام كۆبوونه‌وه‌كه بۆ ئه‌مڕۆ یه‌ك شه‌ممه كاتژمێر 3ی ئێواره دواخرا.
کۆمێنت (0)
تا ئێستا هیچ کۆمێنتێک نەکراوە.