85 ملیار دینار ژپارێ شایسته‌یێن جوتیارێن پارێزگه‌ها دهۆکێ دێ ل سه‌ر جوتیاران هێنه‌ به‌ڵاڤکرن

نازم محمد على رێڤه‌به‌رێ رێڤه‌به‌ریا بازرگانى وده‌خل ودانى ل پارێزگه‌ها دهۆكێ تایبه‌ت بو ماڵپه‌رێ پارێزگه‌ها دهۆكێ ئاخفت وگوت: دوهى 15-3-2021 (85) ملیار و(345) ملیون دینار ژپارێ شایسته‌یێن  جوتیارێن پارێزگه‌ها دهۆكێ یێن سالێن (2014 و2015و2016) گه‌هشتنه‌ بانكا داسنیا ل دهۆكێ كو (6) ملیار دینار پارێ ساڵا 2014 بوو و(26) ملیار دینار پارێ ساڵا 2015ێ یه‌  و(53) ملیار دینار پارێ ساڵا 2016یه‌ .
هه‌روه‌سا گوت: حكومه‌تا عیراقێ بریار دایه‌ شایسته‌یێن جوتیاران  یێن ساڵا 2014ێ ب رێژا 70% خه‌رجكه‌ت و 30% ژبه‌ر ب بریت وشایسته‌یێن ساڵا 2015ێ ب رێژا 68% خه‌رجكه‌ت و 32% ب بریت وپارێن جوتیارا یێن ساڵا 2016ێ 80% خه‌رجكه‌ت و20% ب بریت ول رۆژێن بهێت دێ ده‌ست به‌ڵاڤكرنا وى پاره‌ى هێته‌ كرن.
رێڤه‌به‌رێ رێڤه‌به‌ریا بازرگانى وده‌خل ودانى ل پارێزگه‌ها دهۆكێ ئه‌و یه‌ك ژى گوت: هه‌ولێن جڤاتا وه‌زیرێن حكومه‌تا هه‌رێما  كوردستانێ وپارێزگه‌ها دهۆكێ وهه‌موو لایه‌نێن په‌یوه‌ندیدار دبه‌رده‌وامن دگه‌ل حكومه‌تا عیراقا فیدرال بو بده‌ستڤه‌ ئینانا پارێ ماى ژ شایسته‌یێن جوتیارێن پارێزگه‌ها دهۆكێ  ئه‌وژى كوژمێ (90) ملیار دینارن.