گوته‌بێژی وه‌زاره‌تی ته‌ندروستی حكوومه‌تی هه‌رێمی كوردستان له باره‌ی كه‌می ڕێژه‌ی تووشبوان له رۆژانی پشوو ڕایده‌گه‌ێنێت: نۆڕینگه و تاقیگه‌كان له رۆژانی هه‌ینی تێست كه‌متر وه‌رده‌گیرێن، له باره‌ی ئه‌گه‌ری كه‌ره‌نتینه و قه‌ده‌غه‌ی هاتوچۆش ئاماژه بۆ ئه‌وه ده‌كات به پێی هه‌ڵسه‌نگاندنی نوێ بۆ ڕه‌وشی كۆرۆنا پێشنیاز ده‌خه‌ینه ڕوو.
ئه‌مرۆ دووشه‌ممه 15 ى 3 ى 2021 ، د. ئاسۆ حه‌وێزی، گوته‌بێژی وه‌زاره‌تی ته‌ندروستی حكوومه‌تی هه‌رێمی كوردستان ڕایگه‌یاند، هۆی كه‌می ژماره‌ی تووشبون له رۆژانی هه‌ینیدا، ئه‌وه‌یه كه نۆڕینگه و تاقیگه‌كان له‌و رۆژه‌دا داخراون، نه‌خۆش كه‌متر سه‌ردان ده‌كا و حاڵه‌ته گوماناوییه‌كانیش كه‌متر كۆ ده‌بنه‌وه، بۆیه ئه‌و ڕێژه تووشبوونه‌ی رۆژانی هه‌ینی، هی خاڵه سنووری و فڕۆكه‌خانه‌كانه، به‌ڵام له پلاندایه له رۆژانی پشووش تێست زیاد بكه‌ین.
به‌پێی دواین راگه‌یاندراوی وه‌زاره‌تى ته‌ندروستی هه‌رێمی كوردستان، دوێنێ یه‌كشه‌ممه 392 كه‌سی دیكه له‌شاره‌كانی هه‌رێمی كوردستان تووشی كۆرۆنا بوون و 7 كه‌سیش گیانیان له‌ده‌ستدا.
گوته‌بێژی وه‌زاره‌تی ته‌ندروستی له باره‌ی بڕیاری که‌ره‌نتین و قه‌ده‌غه‌ی هاتوچۆ ڕوونکردنه‌وه ده‌دات
100%
کۆمێنت (0)
تا ئێستا هیچ کۆمێنتێک نەکراوە.