عه‌ره‌بی هاورده‌ی هۆزی شه‌مه‌ر دووباره چوونه‌ته‌وه سه‌ر زه‌وی جوتیارانی كورد له گوندی په‌لكانه له شارۆچكه‌ی دوبز و خێوه‌تیان داناوه و داوا له حكومه‌تی ناوه‌ندی ده‌كه‌ن گونده‌كه ڕاده‌ستی عه‌ره‌بی هاورده بكات.
له‌م باره‌یه‌وه خه‌ڵكی گوندی په‌لكانه له ڕێگای ته‌له‌فۆنه‌وه به كوردستان تیڤیان ڕایگه‌یاند: عه‌ره‌بی هاورده به‌نیازن سبه‌ی به پاڵپشتی هێزه عێراقییه‌كان زیاتر بێنه ناوچه‌كه بۆ ئه‌وه‌ی زه‌وییه‌كانی كورد داگیر بكه‌ن.
هاوكات ڕاشیانگه‌یاند: ئێمه وه‌ك دانیشتووانی گوندی په‌لكانه ناهێڵین گونده‌كه‌مان داگیر بكرێت، به‌ڵام پێویستمان به به‌رپرسانی هه‌رێمی كوردستان و هێزه‌كانی پێشمه‌رگه‌ی كوردستانه كه بێن به هانامانه‌وه.
کۆمێنت (0)
تا ئێستا هیچ کۆمێنتێک نەکراوە.