هه‌مووان حه‌زیان له‌بۆنی خۆشه، به‌ڵام هه‌ندێك جار له‌به‌كارهێنانی عه‌تردا زیاده‌ڕه‌وی ئه‌كه‌ین و نازانین ئه‌بێ ئه‌و عه‌تره له‌كوێی جه‌سته‌مان بده‌ین بۆ ئه‌وه‌ی زیانمان پێ نه‌گه‌یه‌نێت.
له درێژه‌دا ئاماژه به هه‌ندیك له‌و شوێنانه‌ی جه‌سته ئه‌كه‌ین كه نابێ عه‌تری لێ بده‌ین:
1- ده‌ست
ئه‌گه‌رعه‌تر له‌به‌ری ده‌ست بده‌ین ئه‌و كحوله‌ی كه‌وا له پێكهاته‌ی عه‌تره‌كه‌دایه ئه‌توانێ پێست وشك بكات و ڕێگه خۆش بكات بۆ قڵیشان و خوێنبه‌ربوون له پێستی ده‌ستدا. جگه له‌وه پاش ئه‌وه‌ی عه‌ترتان له‌ده‌ستتان دا له‌وانه‌یه ده‌ست بێنن به ده‌موچاوتاندا و ئه‌م كاره ئه‌بێته هۆی كزانه‌وه‌ی چاوه‌كان.
2- بن باخه‌ڵ/ باڵ
لێدانی عه‌تر له‌م شوێنه‌ش مه‌ترسی هه‌سته‌وه‌ری پێست زیاد ئه‌كات. تێكه‌ڵبوونی پێكهاته‌ی عه‌تر و عاره‌قه ئه‌بێته هۆی خوران كزانه‌وه‌ی پێست له‌م به‌شه‌دا.
3-قژ
به‌شێوه‌ی سروشتی بۆنه خۆشه‌كان به‌ره‌و خۆی ڕاده‌كێشێت و هه‌ر بۆیه زۆر كه‌س عه‌تر له‌قژیان ئه‌ده‌ن. به‌ڵام ئه‌و كحوله‌ی له پێكهاته‌ی عه‌تره‌كاندا بوونی هه‌یه ئه‌بێه هۆی وشك بوونی قژ، به‌تایبه‌ت ئه‌گه‌ر راسته‌وخۆ عه‌تر له قژتان بده‌ن. باشترین رێگا ئه‌وه‌یه عه‌تر له شانه‌كان بده‌ن و پاشان قژتانی پێ دابێنن.
به‌پێی ئه‌زموون و راسپارده ته‌ندروستییه‌كان، باشترین شوێن بۆ لێدانی عه‌تر ئه‌م شوێنانه‌ی جه‌سته‌یه: بۆ نموونه مه‌چه‌ك و بن مل. ئه‌م شوێنانه گه‌رمن، هه‌ر بۆیه به‌لێدانی عه‌تر تووشی هه‌سته‌وه‌ری نابن.
ژێده‌ر- ده‌رمانخانه‌ی سلێمانی
ئه‌و شوێنانه‌ی جه‌سته که نابێ عه‌تری لێ بده‌ین
. تێكه‌ڵبوونی پێكهاته‌ی عه‌تر و عاره‌قه ئه‌بێته هۆی خوران كزانه‌وه‌ی پێست
100%
کۆمێنت (0)
تا ئێستا هیچ کۆمێنتێک نەکراوە.