لوید ئۆستن،وه‌زیری به‌رگری ئه‌مریكا ره‌زامه‌ندی له‌سه‌ر درێژكردنه‌وه‌ی ماوه‌ی بڵاوه‌پێكردنی پاسه‌وانی نیشتمانیی له‌ده‌وروبه‌ری كۆنگرێس تا 23ی ئه‌م مانگه درێژكرده‌وه .
له‌مباریه‌وه وته‌بێژێك به‌ناوی وه‌زاره‌تی به‌رگری ئه‌مریكا رایگه‌یاند: ژماره‌ی هێزه‌كانی پاسه‌وانی نیشتمانی بۆ دوو هه‌زارو 300 سه‌رباز به رێژه‌ی سه‌دا 50 كه‌مكراوه‌ته‌وه.
هه‌روه‌ها گوتی: وه‌زاره‌تی به‌رگری ئه‌مریكا له‌گه‌ڵ پۆلیسی كۆنگرێس كار ده‌كات ئه‌گه‌ر دۆخه‌كه رێگا بدات، ژماره‌ی هێزه‌كانی پاسه‌وانی نیشتمانی كه‌متر ده‌كه‌نه‌وه.
شایانی باسه له6ی كانوونی دووه‌می رابردوو هێزه‌كانی پاسه‌وانی نیشتمانی بۆ پاراستنی كۆنگریس بڵاوكرانه‌وه،بڕیاره‌ی بڵاوبوونه‌وه‌كه‌شیان دوای هات كه لایه‌نگرانی تره‌مپ هه‌ڵیان كوتایه سه‌ر كۆنگرێس.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.