له یاریگای نێوده‌وڵه‌تی فه‌ره‌نسۆ هه‌ریری، پاپا فرانسیس پاپای ڤاتیكان قه‌داسێكی ئاینیی به‌ڕێوه‌برد و وتارێكی ئاینیی پێشكه‌ش به ئاماده‌بووان كرد.
سه‌رله‌ئێواره‌ی ئه‌مرۆ یه‌كشه‌ممه پاپا فرانسیس گه‌یشته یاریگاى فرانسۆ هه‌ریرى، به ئاماده‌بوونی نێچیرڤان بارزانی سه‌رۆكی هه‌رێمی كوردستان و مه‌سرور بارزانی سه‌رۆكی حكومه‌تی هه‌رێمی كوردستان، له یاریگای نێوده‌وڵه‌تی فه‌ره‌نسۆ هه‌ریری، بە بەشداریی 10000 (دە) هەزار کەس پاپا فرانسیس پاپای ڤاتیكان قه‌داسێكی ئاینیی به‌ڕێوه‌برد و وتارێكی پێشكه‌ش كرد.
دوای ته‌واوبوونی رێوره‌سمی ئاینی، پاپا فرانسیس یاریگای نێوده‌وڵه‌تی فه‌ره‌نسۆ هه‌ریری جێهێشتوو به‌ره‌و فرۆكه‌خانه‌ی نێوده‌وڵه‌تی به‌رێكه‌وت، بریاره چه‌ند خوله‌كێكی دیكه به‌ره‌و به‌غدا گه‌شته‌كه‌ی ئه‌نجامدات.
کۆمێنت (0)
تا ئێستا هیچ کۆمێنتێک نەکراوە.