سزای لەسێدارەدانی هاووڵاتییەکی کورد کە بە تۆمەتی هەڵگرتنی مادەی هۆشبەر ئەو سزایەی به‌سه‌ردا سه‌پابوو، لە بەندیخانەی ناوەندیی ئەراک جێبەجێ کرا.
رێكخراوی هه‌نگاو بۆ مافه‌كانی مرۆڤ بڵاوی كرده‌وه، له‌چه‌ند رۆژی رابردوودا ، سزای لە سێدارەدانی هاووڵاتییەکی خەڵکی شاری هەرسینی پارێزگای کرماشان بە ناوی حامید مستەفایی لە بەندیخانەی ناوەندیی ئەراک، جێبەجێ کرا.
بە وتەی سەرچاوەیەکی ئاگادار، حامید مستەفایی خەڵکی گوندی چغاسەعید-ی سەر بە شاری هەرسین بووە و لە سێ ساڵ لەمەوبەرەوە بە تۆمەتی هەڵگرتنی مادەی هۆشبەر، لە نزیک شاری ئەراک دەستبەسەر کرابوو و لە لایەن دەزگای دادوەرییەوە سزای لەسێدارەدانی بۆ بڕابوویەوە.
جێگای ئاماژەیە کە حامید مستەفایی تەمەن 31 ساڵ و خێزاندار بووە.
کۆمێنت (0)
تا ئێستا هیچ کۆمێنتێک نەکراوە.