بەبڕیاری دانا عەبدولکەریم، وەزیری ئاوەدانکردنەوە و نیشته‌جێكردنن پڕۆژەی قیرتاوکردنی رێگای بانی بنۆک لە بناری سورێن سەر بە پارێزگای ھەڵەبجە جێبەجێکرا.
پڕۆژەکە لەچوارچێوەی کارە خزمەتگوزارییەکانی وەزارەتی ئاوەدانکردنەوەیە لەسەرتاسەری ھەرێمی کوردستان، کە بریتییە لە رێگایەک بەدرێژی چوار کیلۆمەتر و300 مەتر و گوژمەی پڕۆژەکەش زیاتر لە 340ملیۆن دینارە.
ئەوە لەکاتێکدایە لە دوا سەردانیدا بۆ سنوری پارێزگای هەڵەبجە لە مانگی تشرینی یەکەمی ساڵی رابردوو، دانا عەبدولکەریم، وەزیری ئاوەدانکردنەوەو نیشتەجێکردن بەشێوەیەکی مەیدانی پڕۆژەکانی وەزارەتەکەی لە سنوورەکە بەسەرکردەوە، کە خۆی لە (10)پڕۆژەی جیاواز دەبینیەوەو بڕی زیاتر لە ملیارێک دیناری بۆ تەرخانکرابوو.
یەکێک لەو پڕۆژانەش دروستکردن و قیرتاوکردنی رێگای بانی بنۆک بوو.
کۆمێنت (0)
تا ئێستا هیچ کۆمێنتێک نەکراوە.