مسته‌فا كازمی ،سه‌رۆك وه‌زیرانی عێراق و جۆبایدن،سه‌رۆكی ویلایه‌ته‌یه‌كگرتووه‌كانی ئه‌مریكا له په‌یوه‌ندییه‌كی ته‌له‌فۆنیدا جه‌ختیان له‌گرنگی پاراستنی نێرده دیبلوماسییه‌كان له‌عێراق كرده‌وه.
نووسینگه‌ی سه‌رۆك وه‌زیرانی عێراق بلاَویكرده‌وه كه ئێواره‌ی دوێنێ مسته‌فا كازمی په‌یوه‌ندییه‌كی ته‌له‌فۆنی له‌لایه‌ن جۆبایدن پێگه‌یشتووه‌و تیایدا گفتوگۆیان له‌باره‌ی دۆخی عێراق و ناوچه‌كه‌دا كردووه.
هه‌ر له په‌یوه‌ندییه ته‌له‌فۆنییه‌كه‌دا گفتوگۆ له‌باره‌ی به‌هێزكردنی په‌یوه‌ندییه‌كانی نێوان به‌غداو واشنتن كراوه.
نووسینگه‌ی سه‌رۆك وه‌زیرانی عێراق ئاماژه‌ی به‌مه‌شداوه كه هه‌ردوولا جه‌ختیان له‌گرنگی پاراستنی نێرده دیبلوماسییه‌كان له‌عێراق كردۆته‌وه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.