د. به‌شیر حه‌داد، جێگری سه‌رۆكی په‌رله‌مانی عێراق به‌هۆی كۆچی دوایی د. ئارام باڵه‌ته‌یی په‌رله‌مانتاری پارتی دیموكراتی كوردستان له‌په‌رله‌مانی عێراق پرسه و سه‌ره‌خۆشی ئاراسته‌ی خانه‌واده‌كه‌ی ده‌كات و رایده‌گه‌ێنێت: د.ئارام باڵەتەیی، هاوڕێ و هاوکارێکی باش و کەسێکی خەمخۆر و دڵسۆز بوو بۆ گەل و نیشتمانەکەی.
ده‌قی پرسه‌نامه‌كه:
د.بەشیر حەداد، سەرەخۆشی لە خانەوادەی د.ئارام باڵەتەیی دەکات
بەناوی خودای بەخشندە و میهرەبان
بەداخ و پەژارەیەکی زۆرەوە، هەواڵی کۆچی دوایی (د.ئارام باڵەتەیی)، پەرلەمانتار و گوتەبێژی فراکسیۆنی پارتی لە ئەنجومەنی نوێنەرانی عێراقمان بیست. د.ئارام باڵەتەیی، هاوڕێ و هاوکارێکی باش و کەسێکی خەمخۆر و دڵسۆز بوو بۆ گەل و نیشتمانەکەی و لەو ماوەیەی کە وەک پەرلەمانتار و گوتەبێژی فراکسیۆنی پارتی لە ئەنجومەنی نوێنەران کاری کرد، بەوپەڕی دڵسۆزی و خەمخۆرییەوە کارەکانی جێبەجێ دەکرد و جێ دەستیشی لەو کارو پرۆژانەی کە لە بەرژەوەندی ھەرێمی کوردستان و تەواوی ناوچەکانی دیکەی عێراق دیار بوو.
بەو بۆنە خەمناکەوە، پرسە و سەرەخۆشی خۆمان ئاراستەی خانەوادە بەڕێزەکەی و تەواوی هاوڕێ و دۆستانی دەکەین. لە خوای مەزن داواکارین کۆچکردوو بە بەهەشتی بەرین شاد بکات و ئارامیش بە هەموو لایەک ببەخشێت.
(إنا لله وإنا إلیه راجعون)
د. بەشیر خەلیل حەداد
جێگری سەرۆکی سه‌رۆكی په‌رله‌مانی عێراق
چوارشەممە 17شوباتی 2021
کۆمێنت (0)
تا ئێستا هیچ کۆمێنتێک نەکراوە.