كچه ئێزدییه‌ك به‌ناوی عاسیما جاسم ته‌مه‌ن 17 ساڵ له وڵاتی سووریا له ده‌ستی تیرۆریستانی داعش رزگاركرا، به خانه‌واده‌كه‌ی شادبۆوه.
په‌یامنێری كوردستان تیڤی رایگه‌یاند: ئه‌مڕۆ له‌رێگه‌ی نووسینگه‌ی رزگاركردنی ئێزدیه ڕفێندراوه‌كانی ده‌ستی داعش له پارێزگای دهۆك كچه ئێزدییه‌ك به‌ناوی عاسیما جاسم ته‌مه‌ن 17 ساڵ له وڵاتی سووریا له ده‌ستی تیرۆریستانی داعش رزگاركرا و دوای تێپه‌ڕبوونی 6 ساڵ به‌سه‌ر ڕفاندنی، جارێكی دیكه به‌ئامێزی خانه‌واده‌كه‌ی شادبووه‌وه.
به‌گوێره‌ی ئاماره‌كان تا ئێستا نزیكه‌ی سێ هەزار هاووڵاتى ئێزدى له ده‌ستی تیرۆریستانی داعش ئازادکراون.
کۆمێنت (0)
تا ئێستا هیچ کۆمێنتێک نەکراوە.