وەزیری پەروەردە پرسه‌نامه‌یه‌ک ئاڕاسته‌ی خانه‌واده‌ی مامۆستا ئیبراھیم صباح مه‌لا ده‌کات

وەزیری پەروەردە پرسه‌نامه‌یه‌ك ئاڕاسته‌ی خانه‌واده‌ی مامۆستا ئیبراھیم صباح مه‌لا ده‌كات، كه‌ ئه‌مڕۆ لەکاتی نوێکردنەوەی ئاڵای پیرۆزی کوردستان لە گۆڕەپانی قوتابخانەكه‌ی گیانی سپارد.

بەداخەوە پێشنیوەڕۆی ئەمرۆ، یەکشەممە، رێکەوتی 2021/2/7، ھەواڵی گیان لەدەستدانی مامۆستا (ئیبراھیم صباح ملا)مان لە سنووری بەڕێوەبەرایەتی پەروەردەی شەقڵاوە پێگەیشت، کە لەکاتی نوێکردنەوەی ئاڵای پیرۆزی کوردستان لە گۆڕەپانی (قوتابخانەی بنەڕەتی سۆرک) گیانی سپارد.

بەم بۆنە خەمناکەوە پرسە و سەرەخۆشی لە خۆمان و بەڕێوەبەر و مامۆستایانی قوتابخانەی سۆرک و خانەوادەی مامۆستای کۆچکردوو (ئیبراھیم صباح ملا) دەکەین، لە خودای میھرەبان داواکارین دڵئارامی بەھەموومان ببەخشێت و دوا ناخۆشی خانەوادە بەرێزەکەی بێت.        

                            
إنا لله و إنا الیه راجعون    
                          
ئالان حمەسعید صالح                            
وەزیری پەروەردە
7ی 2ی 2021