وەزارەتی ناوخۆی عێراق رایگەیاند کە 13 تیرۆریستی داعش لە بەغدای پایتەخت دەستگیرکراون.
وەزارەتی ناوخۆی عێراق لە راگەیەنراوێکدا ئاماژەی بەوەداوە، ھێزەکانی بەڕێوەبەرایەتی ھەواڵگریی پۆلیسی فیدراڵ و ھەواڵگریی بەغدا لە میانی ئۆپەراسیۆنێکی ھاوبەشدا، سێزدە تیرۆریستیان لە ژمارەیەک ناوچەی بەغدا دەستگیرکردووە کە بەپێی ماددەی چواری تیرۆر بەتۆمەتی ئەندامبوون لە داعش داواکراوبوون.
بەپێی راگەیەنراوەکە تیرۆریستە دەستگیرکراواەکان بەناوی جیاجیا لە بەناو کەرتەکانی کەرکووک، نەینەوا، باکووری بەغدا و دیجلە سەربە داعش چەکداربوون.
لە کۆتایی راگەیەنراوەکەدا ئەوە خراوەتەڕوو کە دەستگیرکراوەکان دوای وەرگرتنی گوتەکانیان، رادەستی لایەنی دادوەریی کراون بۆ ئەوەی رێوشوێنی یاسایی لە بەرامبەریان بگیرێتەبەر.
کۆمێنت (0)
تا ئێستا هیچ کۆمێنتێک نەکراوە.