یەكەمین كاروانی ڤاكسینی (سپۆتنیك ڤی) كە لەلایەن ڕووسیاوە بەرهەمهێنراوە، گەیشتە تاران.
محه‌مه‌د حسێن، وته‌بێژی ده‌زگای فڕۆكه‌وانی مه‌ده‌نی ئێران رایگه‌یاند: به‌شی یه‌كه‌می ڤاكسینه رووسیه‌كه گەیشتووەتە تاران و ده‌شڵێت: رێژه‌ی كارایی چاره‌سه‌ركردن تیایدا (95%)ـه و له‌لایه‌ن ده‌زگاكه‌یه‌وه پشتگیری به‌كارهێنانی كراوه.
كاروانی یەكەمی ڤاكسینەكە 500 هەزار دۆزە، بریاریشە كاروانی دووەمی لە 18ی ئەم مانگە و كاروانی سێیەمی لە 28ی هەمان مانگ بگاتە ئێران.
ئاماژه‌ی به‌وه‌شكردووه به‌شی یه‌كه‌می ئه‌و ڤاكسینه‌ی ئێران كڕیویه‌تی به‌ئاماده‌بوونی به‌رپرسانی وه‌زاره‌تی ته‌ندروستی و ده‌زگای فڕۆكه‌وانی مه‌ده‌نی و به فڕۆكه‌یه‌كی كۆمپانیای ماهانی ئێرانی له رووسیاوه گواستۆته‌وه تاران.
کۆمێنت (0)
تا ئێستا هیچ کۆمێنتێک نەکراوە.