کەشناسی هه‌رێمی کوردستان: پلەکانی گەرما بەرزدەبنەوە

کەشناسی هەرێمی كوردستان پێشبینییەکانی کەش و هەوای ئه‌مرۆ و سبه‌ینێی بڵاوکردەوە.
 به‌رێوه‌به‌رایه‌تی گشتى كه‌شناسی و بومه‌له‌رزه‌زانی هه‌رێمی كوردستان بڵاوی كرده‌وه‌: ره‌وشی كه‌ش و هه‌وای ئه‌مرۆ سێشه‌ممه‌ و سبه‌ی ناوچه‌كانی هه‌رێمی كوردستان ساماڵ و پەڵەهەور دەبێت.

 به‌رێوه‌به‌رایه‌تیه‌كه‌ راشیده‌گه‌ێنێت: ئەمڕۆ لە هەولێر بەرزترین پلەی گەرما 17 پلە دەبێت، لە سلێمانی 17 پله‌ ، دهۆک 16 پله‌ ، کەرکوک 21 پلەی سیلیزی دەبێت.

هه‌روه‌ها كه‌شناسی هه‌رێمی كوردستان رایده‌گه‌ێنێت: سبه‌ی چوارشه‌ممه‌ 3 ى 2 ى 2021 ، لە هەولێر بەرزترین پلەی گەرما 18 پلە دەبێت، لە سلێمانی 18 پلە، دهۆک 17 پله‌ ، له‌ کەرکوکیش 21 پله‌ی سیلیزی‌ دەبێت.