پۆلیسی کەرکوک له ڕاگه‌ێندراوێكدا ڕایگه‌یاند: ئێوارەی ئەمڕۆ یه‌كشه‌ممه لە گەڕەکی ڕەحیماوای شاری کەرکوک له نزیک مزگەوتی برایەتی به‌هۆی كێشه‌یه‌كی كۆمه‌ڵایه‌تی دوو خوشك كوژران.
له ڕاگه‌ێندراوه‌كه‌دا هاتووه: هاووڵاتییەک بەناوی (هەردی خالید نادر) دوو خوشکی خۆی بەناوەکانی (پەرژین خالید نارد) له‌دایكبووی ساڵی 1994 و (ئەڤین خالید نادر) له‌دایكبووی ساڵی 2003 لەناو ماڵی خۆیان بەچەکی جۆری كڵاشینکۆف کوشتووه.
ڕاشیه‌یاندووه: تۆمه‌تبار دوای کوشتنی ھەردوو خوشکەکەی بەرەو شوێنێکی نادیار هه‌ڵاتووه.
پۆلیسی کەرکوک له باره‌ی بكوژه‌كه‌وه هه‌روه‌ها ڕایگه‌یاندووه: بكوژه‌كه تۆمەتبارە به كوشتنى مامی خۆی کەوا ماوەیەک پێش ئێستا كوشتوویه‌تى، هه‌روه‌ها ئامۆزایه‌كیشى بریندار كردووه.
ڕاشی
گه‌یاندووه: ساڵێك به‌ر له ئێستا پورێكیشی كوشتووه و له ئێستاشدا تیمه‌كانی پۆلیسى كه‌ركوك به‌دوایدا ده‌گه‌ڕێت.
شایه‌نی باسه بكوژه‌كه خه‌ڵكی گوندی عه‌لی به‌یانی سه‌ر به شاره‌دێی شوانه.
هه‌ڵۆ جه‌باری
کۆمێنت (0)
تا ئێستا هیچ کۆمێنتێک نەکراوە.