رۆژی یەکشەممە رێککەوتی 31 کانوونی دووەمی 2021، دکتۆر بەشیر خەلیل حەداد، جێگری سەرۆکی ئەنجومەنی نوێنەرانی عێراق پەیوەندییەکی تەلەفۆنی لەگەڵ بەڕێوەبەری کۆمپانیای نەوتی باکوور لە کەرکووک ئەنجامدا و فەرمانی راگرتنی دەرکردنی خانەوادە کوردەکانی دەرکرد کە لایەن ئەو کۆمپانیایەوە ئاگادار کرابوونەوە ناوچەکانیان جێ بهێڵن.
جێگری سەرۆکی ئەنجومەنی نوێنەرانی عێراق رایگەیاند، لیژنەیەکی تایبەت بە ئەنجومەنی نوێنەران و لیژنەی ئەنجومەنی وەزیران لە کارو بەدواداچوون دان بۆ چارەسەرکردنی کشت کێشە ئێداری و یاساییەکانی ئەو ناوچانە، و نابێت هیچ خانەوادەیەکی ئەو ناوچەیەش لە رێگەی هەڕەشە و بەکارهێنانی هێزەوە لە شوێنەکانی خۆیان دەربکرێن و پێویستە هەرچی زووە ئەو کارە رابگیرێت. لە هەمان کاتیشدا د.بەشیر حەداد پەرلەمانتارانی کەرکووکی ئەنجومەنی نوێنەرانی عێراقی راسپارد بۆ ئەوەی چاودێری و بە دواداچوون بۆ ئەو کارە بکەن.
نووسینگەی راگەیاندنی جێگری سەرۆکی ئەنجومەنی نوێنەرانی عێراق یەکشەممە 31 کانوونی دووەمی 2021
کۆمێنت (0)
تا ئێستا هیچ کۆمێنتێک نەکراوە.