تەندروستی هەولێر داخستنی چوار كارگە بەهۆی پابەندنەبوونیان بە ڕێنماییە تەندروستییەکان راگه‌یاند .
ئەمڕۆ یەكشەممە 31 ى 1 ى 2021 ، بەڕێوەبەرایەتی کاروباری پاراستنی تەندروستی هەولێر بڵاوی كرده‌وه: كه بەشی چاودێری تەندروستی و تیمەکانی چاودێری تەندروستی هەڵسان بە ئەنجامی هەڵمەتیکی گەڕان و پشکنین لە سنوری ناحیەی خەبات، دوای گەڕان و بەدواداچوون چوارکارگەی چبس داخران کە پابەندی ڕێنمایێەکانی پاراستنی تەندروستی نەبوون.
راشیده‌گه‌یه‌نن: كه‌تیمەکانی چاودێری تەندروستی لە گشت شوێنە گشتیەکان بە خشتەیەکی دیاریکراو ڕۆژانە سەردانی چێشتخانە و کارگە و سوپەرمارکێتەکان دەکەن لە ڕێگەی تیمەکان بۆ ئەنجامدانی گەڕان و پشکنین لە هەولێر و دەوروبەری.
به‌رێوه‌به‌رایه‌تیه‌كه له‌كۆتاییدا رایگه‌یاندووه: داوا لەهاوڵاتیان دەکەین لە کاتی بینینی هەر سەرپێچیەک تیمەکان ئاگادار بکەنەوە و بۆ بەدواداچوون پەیوەندی بەم ژمارە تەلەفۆنە بکەن 07501182939.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.