به‌فر و باران بارین به‌رده‌وام ده‌بێت

به‌رێوه‌به‌رایه‌تى گشتى كه‌شناسی و بومه‌له‌رزه‌زانی هه‌رێمی كوردستان پێشبینییه‌كانی ڕه‌وشی كه‌ش و هه‌وای 48 كاتژمێری داهاتووی شاره‌كانی بڵاو كرده‌وه‌.
به‌رێوه‌به‌رایه‌تیه‌كه‌ رایده‌گه‌ێنێت: ئه‌مرۆ یه‌كشه‌ممه‌ 31 ى 1 ى 2021 و سبه‌ی  ئاسمانی ناوچەكانی پارێزگاكانی هه‌رێمی كوردستان نیمچە هەور و هەوری تەواو دەبێت، لەكاتەكانی نیوەڕۆ و دوانیوەڕۆ باران بارین دەستپێدەكات، لەناوچە شاخاویە بەرزەكانیش بەفر دەبارێت
 هه‌روه‌ها كه‌شناسی راشیده‌گه‌ێنێت: ئەمڕۆ لە هەولێر بەرزترین پلەی گەرما 10 پلە دەبێت، لە سلێمانی 9 پله‌ ، دهۆک 6 پله‌ ، کەرکوک 13 پلەی سیلیزی دەبێت.

 كه‌شناسی هه‌رێمی كوردستان ئاماژه‌ بۆ ئه‌وه‌ش ده‌كات: كه‌سبه‌ی دووشه‌ممه‌  لە هەولێر بەرزترین پلەی گەرما 15 پلەی سیلیزی دەبێت، لە سلێمانی 13 پلە، دهۆک 10 پله‌ ، کەرکوکیش 16 پله‌ دەبێت.