وه‌زاره‌تی كاره‌با رایگه‌یاند: لەئێستادا گرفتەكە چارەسەركراو دابەشكردنی كارەبای نیشتمانی ئاسایبووەتەوە.
له‌راگه‌یه‌ندراوێكدا وه‌زاره‌تی كاره‌با رایگه‌یاند، هاوبەشانی بەڕێز ئاگادار دەكەینەوە پاش ئەوەی كاتژمێر 7ی ئێوارەی ئەمشەو گرفتێكی تەكنیكی لەكێڵگەی كۆرمۆری غازی روویدا و بووەهۆی راوەستانی پەستانی غاز و كەمبوونەوەی بەرهەمهێنانی كارەبا، لەئێستادا گرفتەكە چارەسەركراو دابەشكردنی كارەبای نیشتمانی ئاسایبووەتەوە.
وەزارەتی كارەبا دەستخۆشی لەوەزارەتی سامانە سروشتیەكان و كۆمپانیای داناغاز و تیمەكانی كۆنترۆڵی كارەبای هەرێم و پارێزگاكان و كارمەندانی ئێشكگری وێستگەكان دەكات كە بەزووترین كات گرفتەكەیان چارەسەركردوو رێگایان نەدا كاریگەریی خراپی لەسەر سیستەمی كارەبا و كوژانەوەی گشتی بكات.
کۆمێنت (0)
تا ئێستا هیچ کۆمێنتێک نەکراوە.