سەرۆك بارزانی، بۆ كۆچی دوایی عیزەت سلێمان بەگ، په‌یامێكی سه‌ره‌خۆشی بڵاوكرده‌وه رایگه‌یاند: خوالێخۆشبوو، ڕۆڵی بەرچاوی هەبوو لە شۆڕش و خەباتی كوردایەتی بە تایبەتی لە دەڤەری سۆران و لەدەست دانی خەسارەتێكی گەورەیە.
بەناوی خودای بەخشندە و میهرەبان
بە داخێكی زۆرەوە هەواڵی كۆچی دوایی عیزەت سلێمان بەگ دەرگەڵەیی كەسایەتیی ناسراوی كوردستان و دەڤەری سۆران و، پێشمەرگەی شۆڕشی ئەیلوولم بیست.
خوالێخۆشبوو عێزەت سلێمان بەگ لە خانەوادەیەكی ناودار و كوڕی سلێمان بەگ پێشمەرگەی كۆماری كوردستان لە مەهاباد و یاوەری بارزانیی نەمر بۆ سۆڤییەت بوو و، كەسایەتییەكی خەباتگێڕ و نیشتیمانپەروەر و خەمخۆری كوردایەتی و وەفاداری ڕێبازی بارزانی بوو و، ڕۆڵی بەرچاوی هەبوو لە شۆڕش و خەباتی كوردایەتی بە تایبەتی لە دەڤەری سۆران و لەدەست دانی خەسارەتێكی گەورەیە.
سەرەخۆشی خۆم ئاراستەی خانەوادەی تێكۆشەری عێزەت سلێمان بەگ و هەموو خزم و كەسوكار و ئاشنایان و هەڤاڵانی خوالێخۆشبوو و نیشتیمانپەروەرانی كوردستان دەكەم و خۆم بە هاوبەشی خەمیان دەزانم.
لە خودای گەورە داواكارم ڕۆحی خوالێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت.
انا للە و انا الیە راجعون
مسعود بارزانی
30ـی كانوونی دووەمی 2021
کۆمێنت (0)
تا ئێستا هیچ کۆمێنتێک نەکراوە.