ژنا کورد ئاڤاکەرا وەلاتی یە نەک نمایشکار
نڤیسێن : هۆزان ئیسماعیل
گرینکە چێرۆك و خه‌باتا ئافره‌تا كورد په‌روه‌ر د هەمی راگەهاندن و دەزگەهێن رەوشەنبیری بهیته گوتن بۆ نڤشێ نوی ، کو ئافرەت كورد چه‌وا شییایه مل ب ملێ زەلامان یان ژی ئەو ب سایا سەری خو ب تنێ دشێت ژیانا خوه بریڤە ببه‌ت و كه‌ره‌مه‌تا خوه ژی بپارێزیت ، لێ مخابن د سەردەمەکێ دا ل وەلاتێ مە ب سەدان کچ و ئافره‌تان خەباتا دكر بو ئازاد کرنا وەلاتی خوه ژ رژێمێن ئێك ل دیڤ ئێك عێراقێ كو وان رژێمان به‌رده‌وام كار بۆ نه‌هێلانا گه‌لێ كورد دكر ، لێ به‌لێ ئه‌و ئافره‌تا كورد وه‌ك زه‌لامان پشته‌ڤانی ل شۆرشێن گه‌لێ خوه كریه و ڤیجا چ پشته‌ڤانییا دابین كرنا هه‌وجه‌داریێن خوارنێ بۆ پێشمه‌رگێنشۆرشێ یان ژی خودانكرنا زارۆكو كا و كاروبارێن مالێن خوه .
پشتی وان هه‌می شەر و نەخوشیان ئافره‌تا كورد بوویه جهێ رێزه‌كا زۆر بۆ گه‌ل و وه‌لاتێ خوه ، لێ به‌لێ دنها دا ، پێدڤییه مژارا ئافره‌تا كو نها دناڤا جڤاكێ مه دا په‌ێدا بوویه بناڤێ ئافره‌تا نمایشکار جدا بکەین ژ وێ ئافره‌تا كورد ، کو ژ روحەکا پاقژ و دلسوزانە کار کر بو وەلات و نشتیمانی خو دكه‌ت و ب سەدان سالا ب خوبەخشانە مل ب ملێن کومەلگەهێ کار بو ئاڤاکرنا نشتیمانی خوه دكه‌ت .
ئه‌و ئافره‌تا مه به‌حس ژی كركو مه‌ره‌ما من ئافره‌تا كورد په‌روه‌ر كو خه‌بات و زه‌حمه‌تییه‌كا زێده دیتییه هه‌تا كۆمه‌لگه‌ها مه گه‌هشتییه ڤێ قوناغێ ، نها دناڤا جڤاكی مه دیارده‌یه‌كا دیكه دهێته دیتن ئه‌و ژی ئافره‌تا نمایشكاره ،كو كارێن نه‌راست و دورست ئه‌نجام دده‌ن ، كو ناخوازم به‌حسا وان كاران بكه‌م ، ئه‌و ژی ب تنێ بۆ ده‌ستڤه‌ئینانان هنده‌ك پارا و بناڤوده‌نگ بوونا خوه یه . ل سه رڤێ یه‌كێ ژی پێدڤییه تاكێ كورد ب رێزه‌كا زێده ژ ئافره‌تا كورد په‌روه‌ر ته‌ماشه بكه‌ت .
دڤێت خه‌باتا وان ئافره‌تان نه‌هێته ژبیر كرن و بۆ نڤشێ نوی بهێته ڤه‌گێران ، كو ئافره‌تا كورد چه‌ند زه‌حمه‌تی دیتنه بۆ ئاڤاكرنا ئازادییا وه‌لاتێ خوه ، خزمەت و خەباتا خوبەخشی و وەلات پارێزیا ئافرەتا نشتیمان پارێز گرینگترە ژ هەر تشتی و خزمەتا وان چ جارا ژ دیروکی ناهێتە ژبیرکرن .
مخابن ئافره‌تا نمایشكار د نها دا ب چاڤه‌كێ دیكه دهێته ته‌ماشه كرن ، كو ڤێ یه‌كێ ژی كارتێكرنا خراب دێ لسه‌ر جڤاكێ مه هێلیته‌ڤه ، دڤێت رێگری ژ ڤێ دیاردێ بهێته گرتن ، كو ئه‌ڤه بازرگانیكرنه ب ناڤێ ئافره‌تا كورد ، كو ئافره‌تا كورد خودان رێزه‌كا زێده‌یه و خودانێ دابونه‌رێت ده‌وله‌مه‌نده ژ لایه‌نێ كلتور و جڤاكی ڤه .
فه‌ره ئاماژه ب ڤێ یه‌كێ ژی بكه‌ێن ، كو دڤیت سەنگ و بها و مەزناهییا ئافرەتێ ژ هەمی پیروزییان پیروز تر بیت ، ژبه‌ر كو هەمی ئاین و چڤاکێن دونیایێ ئافرەتێ ب نیڤا چڤاکی بینن ، و گرنکە ئافرەت وێ پیروزیا خو ب زانیت دا ژ هزرێن خوین دونیای خو د سەر دا نەبیت .
ئافره‌ت قوتابخانه‌كا مه‌زن بۆ پێگه‌هاندن و په‌روه‌رده كرنا زارۆكان و رێڤه‌برنا مالێ و پشته‌ڤانی كرن ژ مالخویێ ماڵێ واته زه‌لامێ مالێ ، هه‌روه‌سا پشته‌ڤانه‌كا بهێز بیت بۆ ئاڤاكرنا وه‌لاتی خوه ، كو د هه‌می سێكته‌رێن ژیانێ دا ده‌ستێ كار هه‌بیت د پێشخستنا جڤاكێ خوه ب تایبه‌ت ژ سیاسه‌ت و رێڤه‌برنا وه‌لاتێ خوه .
کۆمێنت (0)
تا ئێستا هیچ کۆمێنتێک نەکراوە.