کۆی ئەو کەسانەی کە تا ئێستا لەسەرتاسەری عێراق بەھۆی ڤایرۆسی گیانیان لەدەستداوە گه‌یشته سێزده ھەزار کەس.
وەزارەتی تەندروستیی و ژینگەی عێراق لە راگەیەنراوێکدا ئاماری بیست و چوار کاتژمێری رابردووی سەبارەت بە ڤایرۆسی کۆرۆنا بڵاوکردەوە.
بەپێی راگەیەنراوەکە لە بیست و چوار کاتژمێری رابردوودا، 813 کەس تووشی ڤایرۆسی کۆرۆنا بوون و حەوت کەسیش گیانیان لەدەستداوە.
ئاماژە به‌وه‌شكراوه کە لە دوێنێوه، تا ئه‌مرۆ دووشه‌ممه (1585) تووشبووی كۆرۆنا چاکبوونەتەوە.
لە راگەیەنراوەکەی وەزارەتی تەندروستیی و ژینگەی عێراق باس لەوەشکراوە کە کۆی گشتیی تووشبووان بە ڤایرۆسی کۆرۆنا لە عێراق، گەیشتووەتە شه‌ش سه‌د و چوارده ھەزار و پێنج سه‌د و حه‌فتاو شه‌ش کەس و لەو ژمارەیەش سێزده ھەزار کەس گیانیان لەدەستداوە و پێنج سه‌د و هه‌شتاو سێ ھەزار و سه‌د و بیست و حه‌وت كه‌سی دیکەیش چاکبوونەتەوه.
کۆمێنت (0)
تا ئێستا هیچ کۆمێنتێک نەکراوە.