جێگری سه‌رۆكی په‌رله‌مانی كوردستان رایگه‌یاند: پڕۆسه‌ی چاكسازی حكومه‌ت و وه‌زاره‌تی پێشمه‌رگه هه‌نگاوی باشی و بڕیوه به‌رده‌وامیشی ده‌بێت.
ئه‌مڕۆ دووشه‌ممه شۆرش ئیسماعیل وه‌زیری پێشمه‌رگه و فه‌ریق جه‌مال ئیمینكی پێشوازیان كرد د. هێمن هه‌ورامی، جێگری سه‌رۆكی په‌رله‌مانی كوردستان و شاندی باڵای په‌رله‌مانی كوردستان، له دیدارێكدا جه‌خت له‌سه‌ر پته‌وكردنی په‌یوه‌ندیی و هه‌ماهه‌نگی هاوبه‌شه‌كانی نێوان هه‌ردوو ده‌سه‌ڵاتی یاسادان و جێبه‌جێكردن كرایه‌وه، هه‌روه‌ك تاوتوێی دواین هه‌نگاوه‌كانی پڕۆسه‌ی چاكسازی حكومه‌ت و وه‌زاره‌تی پێشمه‌رگه كرا، كه هه‌نگاوی باشی و بڕیوه به‌رده‌وامیشی ده‌بێت.
هه‌ر له دیداره‌كه‌دا د. هێمن هه‌ورامی، جێگری سه‌رۆكی په‌رله‌مانی كوردستان، ستایشی رۆڵ و هه‌وڵه‌كانی وه‌زاره‌تی پێشمه‌رگه‌ی كرد و پشتیوانی و پشتگیری په‌رله‌مانیشی له‌راسته رێگه‌ی ئه‌و پڕۆسه‌یه بۆ وه‌زاره‌تی پێشمه‌رگه ده‌ربڕی.
سه‌رۆك و جێگر و ئه‌ندامانی لیژنه‌ی كاروباری پێشمه‌رگه له‌په‌رله‌مانی كوردستان، سه‌رنج و پێشنیاره‌كانی خۆیان له‌سه‌ر میكانیزمی مووچه‌و رێكخستن و یه‌كخستنی هێزه‌كان و پرسی چاكسازی و هاوكارییه‌كانی هاوپه‌یمانان ئاراسته‌كردین، بۆ ئه‌مه‌ش وه‌ڵامی پوخت و دروستی پرسیار و سه‌رنجه‌كانی به‌رێزان له‌و لیژنه‌یه درانه‌وه.
کۆمێنت (0)
تا ئێستا هیچ کۆمێنتێک نەکراوە.