ئه‌ڤرۆ 25/1/2021 ل كوچكا پارێزگه‌ها دهۆك و ب ئاماده‌بونا به‌رێزان د.على ته‌ته‌ر پارێزگارێ دهۆكێ و ماجد سه‌ید صالح جێگرێ پارێزگارێ دهۆكێ ب وه‌كاله‌ت رێ ورسمه‌كێ رێزگرتنێ یێ تایبه‌ت بو هه‌ردوو ده‌ڤه‌ردارێن خانه‌نشین بووین به‌رێزان بوتان محسن و حسین خالد هاته سازكرن.
پارێزگارێ دهۆكێ دپه‌یڤه‌كێدا گوت: بناڤێ حكومه‌تا هه‌رێمێ وكارگێریا پارێزگه‌هێ ده‌ستخوشى و پیروزباهى ل هه‌ر هه‌ردوو ده‌ڤه‌ردارێن خانه‌نشین بووین كر كو ل ساڵێن ده‌ربازبووى و سه‌ره‌رایى هه‌بوونا چه‌ندین قه‌یرانا كاره‌كێ سه‌ركه‌فتى و خزمه‌ته‌كا گرنگ پێشكێشكریه و گوت: "كار و خزمه‌تا هه‌وه ئه‌نجامدایی جهێ رێزگرتن وسوپاسیێ یه و داخازا ژییه‌كێ درێژ وته‌ندورستییه‌كا باش بو هه‌ردوو یان خواست".
پاش جودا جودا بوتان محسن و حسین خالد په‌یڤێن خو پێشكێشكرن وسوپاسیا حكومه‌تا هه‌رێمێ و پارێزگارێ دهۆكێ كر ل دۆر ئه‌و رێ و رەسمێن رێزگرتنێ یێن بو وان هاتینه ئه‌نجامدان هه‌روه‌سا سوپاسیا وان هه‌موو لایه‌ن وستافێ كارى كر یێن كو ل سالێن خزمه‌تكرنێ هه‌ڤكارى دگه‌ل وان كرى و ته‌كه‌زكرن كو ئه‌و كار وخزمه‌تا وان ل سالێن ده‌ربازبوى ئه‌نجامداى ل دووڤ یاسا ورێنمایێن حكومه‌تا هه‌رێما كوردستانێ وپارێزگه‌ها دهۆكێ هاتینه پێشكێشكرن.
هه‌روه‌سا ئه‌ركه‌كێ مرۆڤایه‌تى و نیشتمانى بوو و داخازا لێبورینێ ژهاوولاتیان كر كو هه‌كه نه‌شیابن هه‌موو داخازیێن وان یێن ره‌وا بجهـ بینن.
پاش خه‌لاتێن رێزلێنانێ ل سه‌ر هه‌ردوو ده‌ڤه‌ردارا هاتنه به‌ڵاڤكرن.
کۆمێنت (0)
تا ئێستا هیچ کۆمێنتێک نەکراوە.