بریکاری وەزارەتی شەھیدان و کاروباری ئەنفالکراوانی حکوومەتی ھەرێمی کوردستان رایده‌گه‌ێنێت: خاکی کوردستان بە خوێنی پێشمەرگە لە دەستی تیرۆریستانی داعش پارێزراوە و تەنیا لە شەڕی داعشدا 1755 پێشمەرگە شەهید بوونە.
بەرەڤان حەمدی، بریكاری وه‌زاره‌تى شه‌هیدان و كارو باری ئه‌نفالكراوان بە (باسنیوز)ی ڕاگەیاند: لە شەڕ و ڕووبەڕووبوونەوەی هێزەکانی پێشمەرگە لەگەڵ تیرۆریستانی داعش 1755 پێشمەرگە شەهید بوونە و 10 ھەزار پێشمەرگەی دیکەش بریندار و کەمئەندام بوون و پێشمەرگە توانی بە خوێنی خۆی پارێزگاری لە خاکی خۆی بکات.
ده‌شڵێت: جگە لەوەی کە ھێزەکانی ھاوپەیمانان بە ھێرشی ئاسمانی ھاوکارییان کردووین لە بۆردومانکردنی بنکە و بارەگاکانی داعش، لەسەر زەوی ھیچ ھێزێک جگە لە پێشمەرگە و سوپای عێراقیش لە سنوورەکانی خۆی، بەشداری لە شەڕی داعش نەکردووە، بەپێچەوانەوە ئەگەر ئازایی پێشمەرگە نەبووایە، داعش پانتاییەکی زۆری خاکی عێراق و ھەرێمی کوردستانی دەکەوتە دەست.
ڕونیشکردەوەته‌وه: کە زۆرینەی شار و شارۆچکەکانی کوردستان خاوەنی پێشمەرگەی شەھیدن لە شەڕی داعش ئەوەش سەلمێنەری ئەوەیە کە تاکە ھێز کە ئەفسانەی داعش کە تیرۆرێکی نێودەوڵەتییە ، تێکبشکێنێ،ھێزی پێشمەرگەی کوردستان بووە.
کۆمێنت (0)
تا ئێستا هیچ کۆمێنتێک نەکراوە.