شانه‌ی راگه‌یاندنی ئه‌منی سه‌ربه ئۆپه‌راسیۆنه ھاوبه‌شه‌كانی عێراق ره‌تیكرده‌وه كه دره‌نگانی شه‌وی رابردوو، ھێرشكرابێته سه‌ر ھێزه‌كانی سوپا له باكووری پارێزگای بابل و رایگه‌یاند ئه‌و ده‌نگۆیه‌ی كه له‌وباره‌یه‌وه بڵاوكراوه‌ته‌وه، دووره له راستییه‌وه.
شانه‌ی ناوبراو راگه‌یه‌نراوێكی سه‌باره‌ت به ده‌نگۆی ھێرشكردنه سه‌ر ھێزه‌كانی سوپا له باكووری پارێزگای بابل بڵاوكرده‌وه و تیایدا ھاتووه "ھه‌ندێك له میدیاكان و تۆڕه كۆمه‌ڵایه‌تییه‌كان، ده‌نگۆی ئه‌وه‌یان بڵاوكردووه‌ته‌وه كه گوایه دره‌نگانی شه‌وی رابردوو، ھێزه‌كانی سوپا له باكووری پارێزگای بابل بۆردومانكراون و به‌ھۆیه‌وه ژماره‌یه‌ك سه‌رباز كوژراون و بریندربوون".
راشیگه‌یاندووه "له كاتێكدا سه‌رله‌به‌ری ئه‌و ھه‌واڵه ره‌ت ده‌كه‌ینه‌وه، ھه‌روه‌ھا داوا له ھه‌مووان ده‌كه‌ین كه له گواستنه‌وه و بڵاوكردنه‌وه‌ی زانیاری ناڕاست ئاگاداربن كه ژماره‌یه‌ك لایه‌ن به مه‌رامی شڵه‌ژاندنی رای گشتیی، بڵاوی ده‌كه‌نه‌وه".
پێشتر له میدیا و تۆڕه كۆمه‌ڵایه‌تییه‌كان ده‌نگۆی ئه‌وه بڵاكرابوویه‌وه كه دره‌نگانی شه‌وی رابردوو، ھێزه‌كانی سوپای عێراق له ناوچه‌ی جرف سه‌خر باكووری پارێزگای بابل بۆردومانكراون و ژماره‌یه‌ك سه‌رباز كوژراون و برینداربوون.
کۆمێنت (0)
تا ئێستا هیچ کۆمێنتێک نەکراوە.