دانا شەهید جەزا، ئەندامی پەرلەمانی عێراق لە فراکسیۆنی پ.د.ک له میانه‌ی به‌شداریكردنى له به‌رنامه‌ی رۆژه‌ڤی كوردستان سه‌باره‌ت به پرسی یاسای بودجه‌ی گشتی ساڵی 2021 رایگه‌یاند: پڕۆژه یاسای بودجه‌ی ساڵی 2021 كه ئێستا ناونراوه به پڕۆژه یاسای بودجه‌ی هه‌ڵبژاردن، چونكه نزیكه له كاتی هه‌ڵبژاردن و ململانێی له سه‌ر ده‌كرێت و بۆته هه‌ڵمه‌تێك بۆ حزبه‌كانیان .
روونیشیكرده‌وه كه پرۆژه یاساكه بودجه‌یه‌كی زه‌به‌لاحی بۆ دیاریكراوه كه خۆی له 120 ملیار دۆلار ده‌دات كه ئه‌مه‌ش زۆر له خه‌رجیه‌كانی ساڵانی رابردوو زیاتره ، عێراقیش له‌و بارودۆخه سه‌خته ئابووریه‌دایه ، ئه‌مه‌ش وای كردووه كه كۆده‌نگیه‌ك هه‌بێت به‌مشێوه بودجه زۆره‌وه یاساكه په‌سه‌ند نه‌كرێت و تێپه‌ڕ نه‌بێت .
ئاماژه‌ی به‌وه‌ش دا كه دانانی رێژه‌ی 12،67% له سه‌رده‌می عه‌بادی دانراوه ، چونكه به‌پێی گوته‌ی وه‌زاره‌تی پلاندانان نزیكه‌ی 14% یه .
دانا شەهید جەزا، ئەندامی پەرلەمانی عێراق لە فراکسیۆنی پ.د.ک رایگه‌یاند كه پشكی فه‌رمانبه‌رانی هه‌رێم و پشكی هێزی پێشمه‌رگه‌ی كوردستان وه‌ك پێویست دانه‌نراوه ، ئێمه كۆمه‌ڵێك كێشەمان لهگهڵ عێراق هه‌یه که پێویستی به رێككه‌وتنێكی درێژخایه‌ن هه‌یه .
راشیگه‌یاند: كه ئیستا هه‌ندێ لایه‌نی شیعه فشار ده‌كه‌ن بۆ سه‌ر هه‌رێمی كوردستان و مه‌به‌ستیان ئه‌وه‌یه كه هه‌رێم لاواز بكه‌ن ، تا ئێستا به‌ربه‌ست دروست نه‌بووه بةلام هیشتا ئه‌و بڕگانه‌ی كه په‌یوه‌سته به پشكی هه‌رێم تێپه‌ڕ نه‌كراوه .
روونیشیكرده‌وه ئێستا له عێراق سه‌قامگیری سیاسی نییه ، هه‌ر قۆناغی سیسته‌می حوكمرانی كه‌سێك ئه‌وا سه‌ر له نوێ حوكمه‌ته‌كه له‌و ساته وه‌قته ده‌ستپێده‌كات ، كه ئه‌وه گرفتێكه بوونی هه‌یه له سه‌ر ئاستی ناوه‌خۆ و ده‌ره‌وه‌دا .
دانا شەهید جەزا له كۆتاییدا رایگه‌یاند: كه ململانێی عێراق لهگهڵ هه‌رێم ناشه‌رعییه ، به‌وه‌ی پێویسته پارێزه‌ری ته‌واوی عێراق بێت نه‌ك نانه‌وه‌ی كیشه‌و گرفت بۆ هه‌رێم ، كه ئه‌وه‌ش فشاری هه‌ندێ لایه‌نه كه به فشاری لایه‌نێكی ده‌ره‌كی ئه‌نجامی ده‌دات
دارشتنی : سوهێل تاهیر عه‌بدولڵا
کۆمێنت (0)
تا ئێستا هیچ کۆمێنتێک نەکراوە.