وەکۆ نڤیسەر و راوێژکارێ دەستەیا ئەمینداریەتا زانکۆیێن جیھان ل ھەرێما کوردستانێ ل ڕۆژا ئێك شەمبێ دەم ژمێر(10) سپێدێ ل ڕێکەڤتی 2021/1/17 مە سەرەدانا ( ئاسمانیا کوردستان Tv ) کر و مە ئەڤ نڤیسینە پشتی سەرەدانێ کر دیاری
:
ئاخفتن ل دۆر راگەهاندنێ ب گشتی و رۆلێ وێ یێ کاریگەر د لێگەران و چاڤدێری و ڤەدیتنا هەر تشتەکێ د جیهانا مە دا ب هەمی ئالاڤێن خۆ ڤە جیهانەکا دی یا جودایە، کو راستیێ دکەتە درەو یان راستیێ دکەتە خەیال، ئەوە یا ب زمانێ میدیاکاران دبێژنێ (لێنانگەها درەوان). گەلەک سەتەلایتێن کوردی یێن هەین و هندەکان ژ وان رۆلەکێ نەرێنی و هندەکا ژی یێ ئەرێنی هەیە، لێ سەتەلایتا کوردستان تێ نەبیت، کو ئەو د ڤەگوهاستنا روودان دا راستیێ بەرجەستە دکەت. بەلکی هەتا بەری روودانان ژی راکرییە ب رێکا وێ دونیابینییا وێ هەی د جیهانا راگەهاندنێ دا. هەروەسا یا کو نەهێتە ماندەلکرن ئەو رۆلێ وێ یێ شەرفمەندانەیە و ئەو پڕ شیانێن وان کەسانە یێن کار ل گەل دکەن و برێڤەدبەن، کو هەمی گەلەک ب ڤیان ب داهێنانە کار دکەن و ب ئەمانەت روودانان ڤەدگوهێزن.
ئێک ژ ئەگەرێن پویتەپێدانا مە کو بەردوام تەماشای ڤی کەنالی بکەین ئەوە کو وی کارتێکرنەکا مەزن ل سەر وەرگری و جەماوەری ب رەنگەکێ گشتی هەیە. سەرەرای جوداهییا وێ یا هزری نەخاسمە یا نیشتیمانی، ئەو بەردەوام و ب رەنگەکێ کاریگەر و خۆش و ب رێکا بەرنامەیێن خۆ یێن رەنگاورەنگ کار دکەت کو وێ ئارمانجا ژ بۆ هاتییە دامەزراندن بهنگڤیت، کو ئەڤێ ژی وەکرییە خودان خولکەکێ تایبەت بیت و ببیتە هاریکار ئەڤ کەنالە یێ سەرکەفتی بیت.
ل وە ناڤەشێرم، ل دەستپێکێ ترسەک ل دەڤ من هەبوو کو کورد د ڤی بیاڤی دا سەرکەفتنێ نەئینن، لێ ب بۆرینا دەمی و پشتی من ئەڤ گومانە ب باوەریێ نەهێلای، ئەز بوومە ئێک ژ وان کەسێن گەلەک خۆشی ژ پرانییا بەرنامەیێن وێ دیتی، و رۆژگارێ بۆ من وەسا دیار کر کو گریمانەیا من یا دەستپێکی یا شاش بوو. ئەڤ سەتەلایتە بێی هێرڤە وێڤە و بێ منەت یا سەرکەفتی بوو د بیاڤێ کاریگەرییا خۆ یا ئێکسەر دا ل سەر دورستکرنا بەرەبابان ل سەر ڤیانا وەلاتی و ژێیاتییا وەلاتی. گرۆڤ ژی ل سەر ڤێ ژێیاتیبوونێ و ڤێ کاریگەریێ گەلەک د دیار بوون دەمێ رۆلێ خۆ د هەوا ریفراندۆما دیرۆکی دا و دەولەتا چاڤەرێکری دا ل ٢٠١٧. ل وێرێ رەنگڤەدانا کارێ راگەهاندنێ دیار بوو دەمێ گەهشتییە بلندترین پلەیێن سەرکەفتنێ. ئەم چ ئاخفتنێێن ژ قەبارێ وێ مەزنتر نابێژین هەکە بێژین: راگەهاندنەکا راستگۆ بدەنە مە، دێ ئالا و دەولەتێ دەینە وە. وەلات یێ هەی و ئالا ژی ب باوەریێ و راگەهاندنێ دێ بلند هژیێت.
و ژبەرکو سەتەلایتا کوردستان بنگەهەکێ سەرەکییە بۆ راستگۆییا راگەهاندنا کوردستانێ، نەخاسمە پەیوەندییا وەلاتی ب جڤاکی ڤە، ئێدی بوویە منبەرەک ژی بۆ ئەدەب و رەوشەنبیرییێ و پرانییا هونەران ژی و گونجادنەک و پێڤەنسیانەکا نیشتیمانی بنەجهکر و پەیرەوک دانا وێرێ کو د شیان دایە بهێتە خواندن، هەکەر ئاخفتنا من نەهێتە هژمارتن زێدەروویی.
و ژبەرکو ئەم ئەڤرۆ ژ هەر رۆژەکا دی پتر پێدڤی ب چاڤدانا ڤێ سەتەلایتێینە، کو ب راستی بوویە جەڤەنگێ نەتەوە و نیشتیمانی، ئەز بێ دودلی یان ترس ژ ڤی یان وێهە دبێژم کو سەتەلایتا کوردستان پالپشتێ باوەرپێکریێ ئێکێیە بۆ ڤەگوهاستنا دەنگوباسان و ئەڤ سەتەلایتە بوویە پالپشتەکێ سەرەکی بۆ ئاڤاکرنەکا بەرفرەهتر ژ هەر سەتەلایتەکا دی و ل سەر گەلەک ئاستان. و ژبەر گرنگییا ڤێ سەتەلایتێ، مە ژ دل ڤیا سەرەدانا وێ بکەین ل سالڤەگەرا وێ یا ٢٢ێ، و پیرۆزباهییا کادرێن وێ بکەین. د دووڤ دا، من ئەڤ پۆستە نڤیسی وەکو ڤیان و رێزگرتن بۆ خزمەتێن وێ یێن مەزن د هشیارکرنا گەلەکی ب هەمی ڤە. ل هەمیان پیرۆز بیت و ئەڤ کەدا ب رومەتا کارکەرێن وێ بۆ بەلاڤکرنا راستیێ د ڤێ سەتەلایتێ دا پیرۆز بیت، کو بەرنامەیێن وێ ل گەل کەتوارێ مە یێ جڤاکی و سیاسی و ژینگەها مە یا خۆمالی یا کوردی دگونجیت. دوبارە ل مە هەمیان پیرۆز بیت.
کۆمێنت (0)
تا ئێستا هیچ کۆمێنتێک نەکراوە.