گوتەبێژی وەزارەتی كشتوكاڵی حكوومەتی ھەرێمی كوردستان رایگەیاند، بە ھۆی بڵاوبوونەوەی نەخۆشیی ئەنفلۆنزای باڵندە لە عێراق، ئەمڕۆ وەزارەتی كشتوكاڵ لەگەڵ لیژنەی تایبەت بە ئەنفلۆنزای باڵندە كۆدەبێتەوە و ھەرچی رێكارێك پێویستە بۆ رێگریكردن لەو نەخۆشییە، دەگیرێتە بەر.
حوسێن حەمە كەریم گوتەبێژی وەزارەتی كشتوكاڵی حكوومەتی ھەرێمی كوردستان ، به ماڵپەڕی فەرمیی پارتی دیموكراتی كوردستانی راگه‌یاند، بڕیارە ئەمڕۆ وەزارەتی كشتوكاڵ لەگەڵ لیژنەی ئەنفلۆنزای باڵندە لە ھەرێمی كوردستان كۆ ببێتەوە و تێدا تاووتوێی بڵاوبوونەوەی نەخۆشیی ئەنفلۆنزای باڵندە دەكەن، كە ئێستا لە عێراق بڵاو بووەتەوە.
راشیگه‌یاند، لەو كۆبوونەوەیەدا تاووتوێی ھەموو رێكارەكان دەكرێت بگیرێنە بەر، بۆ ئەوەی رێگری لە بڵاوبوونەوەی ئەو نەخۆشییە بكرێت.
گوتەبێژی وەزارەتی كشتوكاڵی حكوومەتی ھەرێمی كوردستان وتیشی ، ئەوەی جێگەی خۆشحاڵییە، تا ئێستا ھیچ حاڵەتێكی ئەو نەخۆشییە لە ھەرێمی كوردستان تۆمار نەكراوە و ھەرچی پێویست بێت دەیكەین بۆ ئەوەی ئەو پەتایە لە ھەرێم بڵاو نەبێتەوە.
کۆمێنت (0)
تا ئێستا هیچ کۆمێنتێک نەکراوە.