وەزارەتی شارەوانی و گەشتوگوزار بڵاوی كرده‌وه، كه بەهۆی ئەوەی لە ساڵی رابردوودا باڵەخانەی سەرۆكایەتیی شارەوانیی هەڵەبجە لە لایەن خۆپیشاندەرانەوە سووتێندرا، ئێستا باڵەخانەكە بۆ زیاتر خزمەتكردنی هاووڵاتییان نۆژەن دەكرێتەوە و تا ماوەی نزیكەی 20 رۆژیش دادەخرێت، بەڵام ئەو بەشانەی كە پێویستن، لە بەشی ئامێرەكان كاروبارەكان رایی دەكەن.
راشیده‌گه‌یه‌نن ، كه ئەمەش لەكاتێكدایە رۆژی پێنجشەممەی رابردوو لە ڕێوڕەسمێكدا لە مێنۆمێنتی شەهیدانی هەڵەبجە بە ئامادەبوونی ساسان عەونی وەزیری شارەوانی و گەشتوگوزار قۆناغێكی تری گرێبەستی پرۆژەی باشكردنی ئاوی خواردنەوە بە گوژمەی شەش ملیۆن و پێنجسەد هەزار دۆلار لە سێكتەری ئاوی خواردنەوە، بۆ هەردوو پارێزگەی هەڵەبجە و سلێمانی واژوو كرا.
کۆمێنت (0)
تا ئێستا هیچ کۆمێنتێک نەکراوە.