لیوا یه‌حیا ره‌سول، گوته‌بێژی فه‌رمانده‌ی گشتیی ھێزه چه‌كداره‌كانی عێراق، رایگه‌یاند كه، ھێزه ئه‌منییه‌كان ھه‌وڵه‌كانیان چڕتركردووه‌ته‌وه بۆ ئه‌وه‌ی زیاتر سنووری عێراق له‌گه‌ڵ سووریا كۆنترۆڵ بكه‌ن و بیپارێزن.
لیوا یه‌حیا ره‌سول له لێدوانێكی رۆژنامه‌وانییدا گوتی: "سه‌رۆكوه‌زیران و فه‌رمانده‌ی گشتیی ھێزه چه‌كداره‌كانی عێراق، مسته‌فا كازمی فه‌رمانی داوه له‌وه‌ی پێویسته ھێزه ئه‌منییه‌كان ھه‌وڵه‌كانیان چڕتر بكه‌نه‌وه بۆ ئه‌وه‌ی زیاتر سنووری عێراق له‌گه‌ڵ سووریا كۆنترۆڵ بكه‌ن و بیپارێزن".
ناوبراو راشیگه‌یاند، ئۆپه‌راسیۆنه‌كان بۆ پاراستن و كۆنترۆڵكردنی زیاتری سنوور له‌گه‌ڵ سووریا، ھه‌روه‌ھا بۆ راوه‌دوونانی تیرۆریستانی داعش له‌ناو خاكی عێراق درێژه‌یان ھه‌یه و گوتی: "له ئۆپه‌راسیۆنی ھێزه ئه‌منییه‌كانی عێراق بۆ راوه‌دوونانی تیرۆریستانی داعش، ئه‌نجامی باش به‌ده‌ستھاتوون".
کۆمێنت (0)
تا ئێستا هیچ کۆمێنتێک نەکراوە.