ئێواره‌ی ئه‌مڕۆ هه‌ینی، كۆمه‌ڵێك عه‌ره‌بی هاورده هه‌ڵیانكوتایه سه‌ر گوندێكی كوردان له سنووری شارۆچكه‌ی دووبز و له لایه‌ن جووتیاران و گوندنشینانی گونده‌كه‌وه ڕێگرییان لێكرا.
له‌مباره‌یه‌وه په‌یامنێری كوردستان تیڤی پێیڕاگه‌یاندین: له گوندی مامه و عه‌له‌غێر له سنووری شارۆچكه‌ی دووبز عه‌ره‌بی هاورده چوونه‌ته گونده‌كه و ویستوویانه داگیری بكه‌ن، به‌ڵام له لایه‌ن جوتیاره كورده‌كانه ڕێگرییان لێكرا و گوندنشینان و جوتیارانی گونده‌كه نه‌یانهێشت زه‌وی گونده‌كه‌یان داگر بكرێت.
شایه‌نی باسه ئه‌م هه‌وڵی داگیركارییانه له كاتێكدایه كه به بڕیاری ژماره 6716ی وه‌زاره‌تی دادی عێراق كه له به‌رواری 13/9/2020 ده‌رچووه بڕیاردراوه به‌ڕاگرتنی داگیركاری زه‌وییه‌كان.
هه‌ر به پێی ئه‌و بڕیاره سه‌رجه‌م گرێبه‌سته‌كانی ڕژێمی به‌عس هه‌ڵوه‌شێنراونه‌ته‌وه.
کۆمێنت (0)
تا ئێستا هیچ کۆمێنتێک نەکراوە.