ئاسایشی هه‌ولێر ده‌ستگیر كردنی 2 تاوانباری راگه‌یاند .
بەڕێوەبەرایەتی ئاسایشی ھەولێر لە راگەیەندراوێكدا بڵاوی كرده‌وه: ئێوارەی رۆژی 27 ى 12 ى 2020 ، لە شاری ھەولێر ھاوووڵاتی ( گۆران ئیسماعیل عەزیز) شوفێری تاكسی دانیشتووی شاری ھەولێر لەلایەن دوو كەس بە پاساوی بەكرێگرتنی تاكسی لەگەڵی سواربوون و دواتر لە شوێنێكی چۆڵی دەوروبەری ھەولێر بە ھەڕەشە و بەكارھێنانی چەقۆ و كەتەر شوفێرەكەیان رفاندووە و پاش بەستانەوەی ناوبراو دزینی بڕێك پارەكەی لە ھەمان شوێن جێیان ھێشتبوو، دوای لێكۆڵینەوە و بەدواداچوون لەلایەن تیمەكانی لێكۆڵینەوەی بەڕێوەبەرایەتیمان توانیان تاوانباران دەستنیشان بكەن و پاشان بە فەرمانی دادوەری لێكۆڵینەوە لە 4 ى 1 ى 2021 دەستگیر كران.
ئاسایشی ھەولێر راشیگه‌یاندووه: ئەو دوو تاوانبارە بەناوەكانی عیماد ئازاد رەحمان لە دایكبووی 2002 دانیشتووی چەمچەماڵ و محەمەد خالید ئەحمەد لە دایكبووی 1997 دانیشتووی شاری مووسڵ لەبەردەم دادوەری لێكۆڵینەوە دانیان بە تاوانەكەدا ناوە.
کۆمێنت (0)
تا ئێستا هیچ کۆمێنتێک نەکراوە.