بەڕێوەبەرایەتی پۆلیسی ڕاپەڕین ڕایدەگەیەنێت: شەوی ڕابردوو ئۆتۆمبێلێك لە جۆری (پیك اب/نیسان) مۆدێل 2019 سوتا.
له‌راگه‌یاندراوێكدا بەڕێوەبەرایەتی پۆلیسی ڕاپەڕین بڵاویكردەوە: درەنگانێكی شەوی ڕابردوو لە گوندی (زەنگڵان) سەر بە ناحیەی سەنگەسەر ـ قەزای پشدەر (قەڵادزێ) ئۆتۆمبێلێك لە جۆری (پیك اب/نیسان) مۆدێل 2019 سوتا كە بەوتەی خاوەنەكەی لەلایەن چەند كەسێكی نەناسراو بەنزینی پێداكراوە و سوتاندویانە.
پۆلیسی راپه‌رین ئاماژه بۆ ئه‌وه‌ش ده‌كات: پێشبینی دەكرێ ڕێژەی سوتاوی ئۆتۆمبێلەكە 90% بێت و پاش ئەوەی خاوەنەكەی لە بنكەی پۆلیسی ناحیەی سەنگەسەر سكاڵای لەسەر بكەرانی ڕووداوەكە تۆمار كرد دەڵێ كێشەی لەگەڵ هیچ كەسێكدا نیە و ناشزانێ ئەوانە كێن كە ئۆتۆمبێلەكەیان لێ سوتاندووە.
له‌كۆتاییدا پۆلیس رایده‌گه‌ێنێت: دۆسیەی لێكۆڵینەوە بۆ ڕووداوەكە ڕێكخراوە و هێزەكانمان لە هەوڵی دۆزینەوەی بكەرانی ڕووداوەكە دان.
کۆمێنت (0)
تا ئێستا هیچ کۆمێنتێک نەکراوە.