كه‌مێك به‌ر له ئێستا فاڵح فه‌یاز، سه‌رۆكی ده‌سته‌ی حه‌شدی شه‌عبی گه‌یشته شاری كه‌ركوك.
به‌گوته‌ی میدیای عێراق ،سه‌ردانه‌كه‌ی فاڵح فه‌یاز به‌مه‌به‌ستی به‌شداریكردنه له‌مه‌راسیمی سه‌ركه‌وتن و یادكردنه‌وه‌ی سه‌ركرده شه‌هیده‌كانیان كه‌بڕیاره له‌شاره‌كه‌دا به‌رێوه‌بچێت.
هه‌روه‌ها میدیای عێراق بڵاویان كردۆته‌وه كه له‌كاتی گه‌یشتنی فاڵح فه‌یاز، سه‌رۆكی ده‌سته‌ی حه‌شدی شه‌عبی بۆ فڕۆكه‌خانه‌ی مه‌ده‌نی شاری كه‌ركوك، له‌لایه‌ن راكان جبووری،پارێزگاری كه‌ركوك و فه‌رمانده‌ی میحوه‌ری باكووری حه‌شدی شه‌عبی و ژماره‌یه‌ك فه‌رمانده‌ی ئه‌منی و سه‌رۆك هۆزه‌كان و فه‌رمانده‌كانی حه‌شدی شه‌عبی، پێشوازی لێكراوه.
شایانی باسه له‌چه‌ند رۆژی رابردوودا وه‌زاره‌تی گه‌نجینه‌ی ئه‌مریكا به‌هۆی پێشێلكاری مه‌ترسیداری مافه‌كانی مرۆڤ، فاڵح فه‌یاز، سه‌رۆكی ده‌سته‌ی حه‌شدی شه‌عبیی خسته لیستی سزاكانییه‌وه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.