ژمارەیەک راوچی تەقە لە بەڕێوەبەری دارستانی سەنگاو دەکەن و بریندار ده‌بێت

بەڕێوەبەرى پۆلیسی داراستانى سەنگاو لەلایەن چەند راوچییەکەوە تەقەى لێدەکرێت و بریندار دەکرێت.

سه‌رچاوه‌یه‌ك له‌ بەڕێوەبەرایەتی پۆلیسی دارستانی سلێمانی رایگه‌یاند: ئەمڕۆ چوارشه‌ممه‌ ڕائد کارزان نورەدین بەڕێوەبەرى پۆلیسی دارستانی سه‌نگاو، لەلایه‌ن چەند راوچییەکەوە تەقەى لێدەکرێت و بریندار دەکرێت، دواى گەیاندنى بە نەخۆشخانەى چەمچەماڵ به‌هۆی بارودۆخی سه‌ختی برینداره‌كه‌، ڕه‌وانه‌ی نه‌خۆشخانه‌كانی سلێمانی دەکرێت.

لەبارەى تەندروستى ئەفسەرەکەوە کەمەرخان ئه‌و سه‌رچاوه‌یه‌ گوتیشی: تەندروستى تارادەیەک باشە، بەڵام گولەیەک بەر سکى کەوتووە و لە پشتی دەرچووە.

لە ئێستادا هێزە ئەمنییەکان دەستیان بە لێکۆڵینەوە لە رووداوەکە کردووە و فەرمانی دەستگیرکردن بۆ تۆمەتبارەکانیش دەرچووە.