مسته‌فا کازمی: له‌ماوه‌ی رۆژانی داهاتوودا زیاتر له‌نیوه‌ی هێزه‌کانی ئه‌مریکا له‌ عێراق ده‌کشێنه‌وه‌

سه‌رۆك وه‌زیرانی عێراق ده‌ڵێت:  له‌مڕۆ به‌دواوه‌ عێراق نابێته‌ یاریگایه‌ك بۆ ململانێ هه‌رێمی و نێوده‌وڵه‌تییه‌كان .

مسته‌فا كازمی، سه‌رۆك وه‌زیرانی عێراق له‌ په‌یامێكیدا به‌بۆنه‌ی ساڵیادی دامه‌زراندنی سوپای عێراق رایگه‌یاند: له‌ماوه‌ی رۆژانی داهاتوودا زیاتر له‌نیوه‌ی هێزه‌كانی ئه‌مریكا له‌ عێراق ده‌كشێنه‌وه‌ و له‌مڕۆ به‌دواوه‌ش عێراق نابێته‌ یاریگایه‌ك بۆ ململانێ هه‌رێمی و نێوده‌وڵه‌تییه‌كان.

هه‌روه‌ها سه‌رۆك وه‌زیرانی عێراق گوتی: رێگا ناده‌ین بڕیاری نیشتمانی عێراق له‌لایه‌ن هه‌ر لایه‌نێكه‌وه‌ بڕفێندرێت و بۆ هیچ موزایه‌ده‌یه‌كی سیاسی و هه‌ڵبژاردنیش به‌چۆكدا ناێین.

مسته‌فا كازمی گوتیشی: پێویسته‌ له‌سه‌رمان عێراق و گه‌له‌كه‌ی بگه‌ێننه‌ كه‌ناری ئارام و قۆناغی بردنی سه‌روه‌ت و سامانی عێراقیش كۆتایی هاتووه‌.

وه‌رگێڕان و داڕشتنه‌وه‌ی / رزگار